Pak Mein Sikh Aur Hinduon Ke Beech Takaraav Tala

World » Tuesday, March 26, 2013

Islamabad. . Pakistan ke sindh praant mein aapattijanak tasveeron ko lekar hinduon aur sikhon ke beech takaraav ki sthiti us vakt tal gayi jab donon samudaayon ke netaaon ki madad se samjhauta huaa. Pakistani akhbaar 'Don' ke mutaabik sindh ke shikaarapur ilaake mein sikh samudaaya ke log samjhaute ke baad bhi sthaaneeya hinduon se khatra mahasoos kar rahe hain. Donon samudaayon ke beech takaraav ki sthiti us vakt paida hui jab sikh chhaatron ne shikaarapur mein jaya samadha aashram mein lage haaliya mele ki kuchh tasveerein saajha keen. Is aashram mein donon samudaayon ke log aate hain. Bataaya jaata hai ki tasveeron mein mandir ke purohit ko bina sir par kuchh rakhe guru granth saahib uthaae aur us par kuchh likhte dikhaaya gaya tha. Facebook par in tasveeron ke daale jaane ke baad donon samudaayon mein takaraav ki sthiti paida ho gayi. Pakistan hindu parishad ke pramukh ramesh Singh ke netrutv mein 22 sadasyeeya dal ne maamale ko sulajhaane ki pahal ki. Singh ne kaha, 'Agar samjhauta naheen hota to donon taraf ke naujavaan log ek doosare se ladne ke liye taiyaar the. ' Pakistan gurudvaara prabandhak samiti ke adhyaksh taara Singh ka kehna hai ki unka samudaaya donon samudaayon ke beech shaanti chaahata hai