Pak Mein Rifyooji Bane Nishaana, 12 Ki Maut

World »

Pak Mein Rifyooji Bane Nishaana, 12 Ki Maut

Islamabad. . Pakistan mein guruvaar ko hue ek car bam dhamaake mein 12 logon ki maut ho gayi aur 30 se jyaada ghaayal ho gaye. Marne vaalon mein mahilaaen aur bachche bhi shaamil hain. Kai ghaayalon ki haalat naajuk bani hui hai. Adhikaariyon ne bataaya ki dhamaaka desh ke pashchimottar ilaake ke naushera shahar mein ek rifyooji camp ke paas huaa. Abhi tak kisi bhi samooh ne hamle ki jimmedaari naheen li hai. Camp mein Afghan sharanaarthi aur ilaake mein haal mein hui ladaai ki vajah se visthaapit hue log rah rahe hain. Visfot aise vakt mein huaa jab badi sankhya mein log raahat sangathanon dvaara baante ja rahe raashan ko lene ke liye jute the. Camp ke inchaarj noor Akbar ne riportaron se kaha ki hamle mein do auratein aur do bachche maare gaye hain. Najadeeki aspataal se jude adhikaariyon ne bataaya ki dhamaake mein ghaayal hue 35 logon ko yahaan bharti karaaya gaya hai. Gambhir taur par ghaayal logon ko peshaavar bheja gaya hai. Dhamaaka itna shaktishaali tha ki kai kilometer door tak iski aavaaj suni gayi. Adhikaariyon ne bataaya ki yahaan khadi ek car mein bam ko chhupaaya gaya tha. Dhamaake mein kareeb 35 kilo visfotakon ka istemaal kiya gaya tha

Pak Mein Rifyooji Bane Nishaana, 12 Ki Maut https://www.angrejinews.com/pic/3495