Pak Maanavaadhikaar Aayog Ne Hindu Va Isaai Ladkiyon Ke Jabaran Dharmaantaran Par Chinta Jataai

World »

Pak Maanavaadhikaar Aayog Ne Hindu Va Isaai Ladkiyon Ke Jabaran Dharmaantaran Par Chinta Jataai

Islamabad Pakistan ke svatantr maanavaadhikaar sangathan ne desh mein hindu evam isaai ladkiyon ke jabaran dharmaantaran aur shaadiyon par somvaar ko chinta jaahir ki aur kaha ki pichhle saal akele sindh praant mein aise takareeban 1000 maamale saamane aae hain. Apni saalaana report mein 'Pakistan maanavaadhikaar aayog' (echaaaraseepi) ne kaha ki sarkaar ne aisi jabaran shaadiyon ko rokane ke liye ateet mein bahut thodi koshishein ki hain. Usane saansadon se is chalan ko khatm karne ke liye prabhaavi kaanoon banaane ko bhi kaha. Aayog ne 335 pannon ki '2018 mein maanavaadhikaar ki sthiti' report mein kaha hai ki 2018 mein sirf sindh praant mein hi hindu evam isaai ladkiyon se sambandhit anumaanit ek hajaar maamale saamane aae. Jin shaharon mein baar-baar aise maamale hue hain unamein, umarakot, tharapaarakar, Mirpurkhas, badeen, Karachi, tando allaahayaar, kashmor aur ghotaki shaamil hain. Report mein kaha gaya hai ki Pakistan mein jabaran dharmaantaran aur jabaran shaadi ka koi pramaanik aankada maujood naheen hai. Usamein bataaya gaya hai ki 'Sindh baal vivaah rokathaam adhiniyam 2013' ko prabhaavi tareeke se laagoo naheen kiya gaya aur jabaran shaadiyon par sarkaar ki pratikriya mili-juli rahi. Report ke mutaabik, agar police ki mili-bhagat naheen rahi to bhi adhiktar maamalon mein usaka ravaiya asamvedansheel aur berookhi bhara raha. Report mein kaha gaya hai ki 2018 mein Pakistan mein apni aastha ke mutaabik jidangi gujaarne par alpasankhyakon ne utpeedn ka saamana kiya, unhein giraftaar kiya gaya. Yahaan tak ki kai maamale mein unki maut bhi hui. Gaurtalab hai ki yeh report aane se kareeb ek hafte pehle Islamabad uchch nyaayaalaya ne ghoshit kiya hai ki raveena (13) aur reena (15) ko hindu se jabardasti musalmaan naheen banaaya gaya hai aur unhein unke patiyon ke saath rahane ki ijaajat de di. 'Rasookhadaar' vyaktiyon ne holi ki poorv sandhya par in donon naabaalig hindu ladkiyon ka sindh praant ke ghotaki jile se kathit roop se apaharan kar liya tha.

Pak Maanavaadhikaar Aayog Ne Hindu Va Isaai Ladkiyon Ke Jabaran Dharmaantaran Par Chinta Jataai https://www.angrejinews.com/pic/268162