Pak Chunaav Aatanki Guton Ki Dhamaki Ki America Ne Ki Ninda

World »

Pak Chunaav Aatanki Guton Ki Dhamaki Ki America Ne Ki Ninda

Washington. . Pakistan mein 11 May ko hone ja rahe aam chunaavon mein baadha pahunchaane ki aatankvaadi guton ki dhamakiyon ki ninda karte hue America ne ummeed jataai hai ki islaami desh mein svatantr aur nishpaksh maahaul mein log apne mataadhikaar ka prayog kareinge. Videsh mantraalaya ke pravakta paitrik ventrel ne guruvaar ko kaha ki America Pakistan mein hinsa ki ninda karta hai jiska lakshya chunaav prachaar kar rahe raajaneetijnyaon aur unke samarthakon ko banaaya ja raha hai. Ham ugravaadi guton ke haaliya bayaanon ki ninda karte hain jismein unhonne Pakistan ki lokataantrik prakriya ko baadhit karne ka apna iraada jaahir kiya hai. Ventrel ne Pakistani naagrikon ke prati samarthan jaahir kiya jo apne pratinidhi chunane ke liye chunaav mein bhaag le rahe hain. Unhonne kaha ki apne pratinidhiyon ka chayan karne ke liye chunaav mein Pakistani janta ki bhaageedaari ke adhikaar aur ek shaantipoorn, samruddh tatha lokataantrik desh ke liye unki mahatvaakaanksha poori karne ki unki hi kshamata ke prati ham apna samarthan jaahir karte hain.

Pak Chunaav Aatanki Guton Ki Dhamaki Ki America Ne Ki Ninda https://www.angrejinews.com/pic/8265