Pak Ameeron Ko Ada Karna Pad Sakta Hai Adhik Kar

World »

Pak Ameeron Ko Ada Karna Pad Sakta Hai Adhik Kar

Islamabad Pakistan ne Budhvaar ko kaha ki sarkaar ameer logon par aur adhik kar lagaane ko taiyaar hai. Usane kaha ki anya deshon mein bhi dhanavaan varg adhik kar ada karte hain. Sarkaar dvaara bajat ki ghoshana ke ek din baad samvaadadaata sammelan mein pradhaanamantri ke vitt maamalon ke salaahakaar haafij shekh ne kaha ki Pakistan ki ausat kar dar 11-12 pratishat hai, jo duniya mein sabse kam daron mein shaamil hai. Unhonne kaha, 'Agar hamein iske liye kuchh logon ko naaraaj karna pada to ham iske liye taiyaar hain. ' is saal ke liye kar praapti ka lakshya 5550 arab rupaye rakha gaya hai. Kai visheshagyon ka maanana hai ki ise haasil karna mushkil hoga. Shekh ne 2019-20 ke liye kar lakshyon ka bachaav karte hue kaha, 'Pakistan ki janta ko, khaaskar ameeron ko desh ko lekar gambhir rahana hoga aur kar ada karne honge. '

Pak Ameeron Ko Ada Karna Pad Sakta Hai Adhik Kar https://www.angrejinews.com/pic/280822