Paikejd Foods Mein Companiyaan Paroseingi Anoothe Flevars

Business »

Paikejd Foods Mein Companiyaan Paroseingi Anoothe Flevars

Saagar maalaveeya, ratna bhooshan Mumbai, nai Delhi. . Jald hi aap masaala ti flevar vaale biskut ya laal mirch ke teekhepan vaale guaava joos ka svaad le sakeinge. Duniya ki sabse badi flevar company givaudan ne aise kareeb darjan bhar flevar bhaarateeya market ke liye khaas taur par taiyaar kiye hain. Desh mein flevar ke business segameint mein bharpoor mauke hain. Paikejd food companiyaan apne braind ko aur majaboot karne ke liye unamein nae flevar jod rahi hain. Swiss company givaudan ne haal mein Mumbai mein apna inoveshan center khola hai. Pichhle saal ameriki company intaranaishanal flevars aind fregareinsej (aaiefaef) ne Gurgaon mein plant khola tha. Ismein vah mukhya roop se food, sveets, bevarejej aur dairy praudakts ke liye flevars divelap kareingi. Desh mein snaiks aur bevarejej ki badhti khapat aur lokal se lekar intaranaishanal flevars ka svaad lene ki kanjyoomars ki chaahat ko dekhte hue companiyon ko is business mein mauke dikhne lage hain. Yuvaaon aur kaamkaaji danpatiyon ke aksar restaureint jaane, videsh yaatra karne vaale logon ki sankhya badhne aur videshi food Bhaarat me bhi upalabdh hone jaise kaaranon se is business ki growth badh sakti hai. Aaiefaef India ke emadi shreedhar baalaakrushnan ne bataaya, 'Paikejd food prodakts ko shahari logon ne teji se apnaaya hai. Nae flevars ke prati logon ki badhti dilchaspi aur companiyon ki or se aur behtar aur nechural flevars upalabdh karaane se madad mili hai. 'Unhonne bataaya ki paikejd food praudakts ka daayara badhaane se graameen ilaakon mein bhi growth badhegi. Industry ke sootron ka anumaan hai ki Bhaarat mein flevars ka market kareeb 25 karod dollar yaani 1,350 karod rupaye ka hai. Pichhle kuchh saal se yah dohare ankon mein badh raha hai. Aane vaale dinon mein iski growth mein aur teji aaegi. Pepsiko ke saulti snaik brand kurakure ne haal hi mein kai apne veriyents pesh kiye hain. Company ne iske intaranaishanal test ko punjabi pijja, Andhra bainkauk curry aur raajasthaani manchooriyn ke saath bleind kiya hai. Pepsiko ke maarketing director (foods) vidur vyaas ke mutaabik, 'Kisi bhi brand ke lifetime ke alag-alag samay mein flevar ki ek aham bhoomika hai. ' unhonne bataaya ki kuchh flevars seemit samay ke liye aate hain, lekin behtar respauns milne par kuchh braind ke regyular portfolio mein shaamil ho jaate hain. Cheen ki food ingrediyents braind chings seekret ko shejavaan chatani se bharpoor safalta mili. Is chatani mein chaaineej saus ko Indian flevar mein bleind kiya gaya hai. Chings seekret ki maalik kaipitl foods ke mainejing director Ajay gupta ne bataaya, 'Graahak chaaineej ke alaava jyaada se jyaada Indian touch bhi khojate hain. ' unhonne bataaya ki company 24 bautal vaale 52 kesej ki bikri har hafte karti hai.

Paikejd Foods Mein Companiyaan Paroseingi Anoothe Flevars https://www.angrejinews.com/pic/5640