Pagadi Par Hailamet Naheen, Adaalat Ne Bhi Maana

World »

Pagadi Par Hailamet Naheen, Adaalat Ne Bhi Maana

bhaasha . Melbourne motorcycle chalaate samay helamet na pahanane ke aarop mein giraftaar ek sikh shakhs ko kveensalaind adaalat ne aaropamukt kar diya hai. Saath hi adaalat ne is vyakti ki giraftaari ke faisale par yaataayaat adhikaariyon ki jamkar khinchaai bhi ki. Media ki khabaron mein sthaaneeya maijistret stuart sheeyarar ke havaale se kaha gaya hai ki is dharati par koi baaik chalaane vaala vyakti apni pagadi ke oopar helamet kaise pahan sakta hai? ABC ki report ne kaha ki 23 varsheeya jasadeep atavaal par pichhle saal sau dollar ka jurmaana lagaaya gaya tha aur tab se vah yaataayaat niyamon ke ullanghan ke aaropon ka saamana kar rahe the. Lekin adaalat ne Budhvaar ko unhein jurmaane se mukt karne ka faisala suna diya. Report ke anusaar, atavaal ne adaalat ko bataaya tha ki vah apni pagadi sirf baal dhone ya sone ke liye hi utaarate hain. Atavaal ne kaha, 'Yah kaanoon apratyaksh roop se sikhon ke saath bhedabhaav karta hai ki ve baaik na chala sakein kyonki ham helamet naheen pahan sakte. Adaalat ne mujhe aaropon se mukt kar diya hai. Mujhe koi jurmaana naheen bharna aur na hi mere license par koi negetiv rimaark diya gaya hai. Yah maamala ek khaas mod hai jo bhavishya mein hamaare paksh mein kaam karega. Isi beech media mein I khabaron mein kaha gaya ki is faisale ke baad kveensalaind police ko apni yaataayaat neetiyon ki sameeksha karni pad sakti hai.

Pagadi Par Hailamet Naheen, Adaalat Ne Bhi Maana https://www.angrejinews.com/pic/3776