Paapuaa New Gini Mein 6.8 Teevrata Ka Bhookamp Yooesajeees

World » Wednesday, April 17, 2013

Sydney. . Paapuaa new gini mein Budhvaar ko 6.8 teevrata ka bhookamp aaya. Yooes jiolaujikl sarve ne yah jaankaari di aur saath hi yah chetaavani bhi di ki isse nuksaan ho sakta hai. Yooesajeees ne kaha ki paisifik desh ke uttari tat par sthit chhote se shahar aitep se 19 kimi poorv mein subah kareeb aath bajkar 55 minute par yah bhookamp 19 kilometer ki gaharaai par aaya. Aitep ki aabaadi 8,000 ke kareeb hai. Pasifik sunaami chetaavani kendra ne sunaami ki chetaavani jaari naheen ki lekin satark kiya ki itni teevrata ke bhookamp se iske kendra ke aaspaas 100 kimi ke daayare mein kabhi kabhi sthaaneeya sunaami uth sakti hain. Is kendra ne kaha kshetreeya prashaasan ko is aashanka ke liye taiyaar rahana chaahiye. Jiyosaains Australia ke anusaar bhookamp aitep se 30 kimi door kareeb 20 kimi ki gaharaai par aaya. Varsh 1998 mein I sunaami ki vajah se aitep ke sameep 2,000 se adhik logon ki jaan gayi thi. Ravivaar ko desh ke baugenavile dweep par 6.6 teevrata ka bhookamp aaya lekin isse kisi ke hataahat hone ki khabar naheen hai.