Paapa Ko Laga Tha Aisi Film Naheen Bana Paaoongi Saundarya

Movies »

Paapa Ko Laga Tha Aisi Film Naheen Bana Paaoongi Saundarya

Chandramohan sharmaarajaneekaant staarar moovi 'Kochaadaiyaan' ko unki beti saundarya ne daayarekt kiya hai. Saundarya ne jab paapa ko is haai tekneek se banane waali moovi ke baare mein bataaya, to unhein laga ki vah ise sau feesadi parfekt bana bhi paaengi ya naheen! Jaante hain saundarya se hi. . . India ki pehli performance kaipchar photo riylistik film nirdeshit karne ka anubhav kaisa raha? Yakeenan, pehli hi baar mainne ek bahut bada chaileinj sveekaar kiya tha. Us vakt har kisi ko yahi lag raha tha ki main aisa naheen kar paaoongi. Yahi mere liye sabse bada chaileinj tha. Hamaare desh mein aisi filmein na jaane aaj tak kyon naheen bani, jabki videshon mein barso se aisi filmein ban rahi hain aur in filmon ne vahaan jabardast business bhi kiya hai. Main yeh bhi maanati hoon ki superstar Rajnikant ke saath ek film banaana har director ka sapana hota hai. Aise mein yeh sapana to mujhe jaise viraasat mein mil gaya tha. Haan, jab mainne apne is sapane ke baare mein paapa ko bataaya, to unhonne virodh naheen kiya. Daraasal, paapa ko lagta tha ki main bhi doosare daayarektars ki tarj par unke saath box office par superhit masaalon ko fit karke ek rooteen type ki film banaana chaahati hoon. Lekin jab mainne unhein riylistik performance kaipchar ki film banaane ka apna faisala bataaya, to paapa ka pehla savaal yahi tha- tumhein lagta hai ki aisa parafekt kar paaogi? Us vakt paapa ne mujhse is takaneek ke baare mein ek do naheen, beesiyon savaal poochhe aur mainne bhi lagbhag sabhi savaalon ka theek javaab diya. Tabhi paapa ne mere is sapane ko saakaar karne mein madad karne ki baat kahi. Itna heen naheen, paapa ne agale hi din mujhse kahaani aur kirdaaron ke baare mein poochha, jab unhein mere praujekt mein dam laga, tabhi unki aur faimili ki or se green signal mil paaya. Kitna mushkil raha is takaneek se film banaane ka safar? Main is jarni ko mushkil to naheen kah sakti, lekin mere liye is jarni ka har padaav romaanchak aur kuchh naya seekhane vaala tha. Agar videshon ki baat karein, to is takaneek ki filmein banane mein vahaan ausatan chaar se paanch saal lag jaate hain. Doosari or, humne is praujekt ko kareeb dedh saal mein poora kar diya. Haan, mujhe kuchh khaas mushkilon ka saamana isliye naheen karna pada, kyonki is poore praujekt mein mere saath haulivud ke number van teknishans ki poori team maujood thi. Main har shooting shedayool karne se pehle is team ke saath kai din baithakar homework karne ke baad hi set par pahunchati thi. Aapko lagta hai hamaare darshak is takaneek mein bani film ka box office par usi tarah se velakam kareinge? Kyon naheen? Is film ki sabse badi yooesapi Rajnikant sar ki maujoodagi hai. Unke fains desh naheen, videshon mein bhi hain, jinhein lambe arase se is film ka intajaar hai. Mainne jab se is praujekt par kaam shuroo kiya hai, tabhi se desh-videsh ke distribyootars ki najarein is par hain. Aise mein mujhe yakeen hai ki film box office par dhamaal machaaegi. Ab darshakon ki soch badli hai. Desh mein maltipleks kalchar aane se aisi filmon ke liye dasharkon ki ek nai aur alag class paida hui hai, jo nai takaneek aur masaala filmon se door alag type ki filmein pansad karti hai. Rajnikant sar ke barso puraane fains ke alaava jen-ex ko bhi is film ka intajaar hai. Aise mein mujhe lagta hai ki box office par film dhamaal karne waali hai. Is film ko banaane mein kuchh jyaada vakt naheen laga? Bilkul naheen. Humne to is takaneek se bani film ko record vakt mein poora kiya hai. Lekin hamaari pehle se tay plaining ki baat karein, to uske mutaabik, film banane mein vakt laga. Iski vajah paapa ki beemaari hai, jiske chalte hamein kuchh intajaar karna pada aur shooting schedule mein gaip dena pada. Ham paapa ke saath is film se pehle 'Raana' title se film banaane ja rahe the, lekin paapa ki sehat ko dekhte hue humne use drop karke is film par kaam shuroo kiya. Deepika Padukon ke baare mein aapki kya soch hai? Vah ek prafeshanal aur intelijeint aiktres hain. Is film ke liye humne deepika ke saath bahut kam din hi kaam kiya, lekin main aur paapa yeh dekhkar hairaan rah gaye ki deepika ki teknaulaji aur is tekneek ke baare mein achhi samajh hai. Mujhe unki yeh baat sabse achhi lagi ki is mukaam par pahunchane ke baad bhi unamein kuchh naya seekhane ka jajba hai. Talavaar chalaane aur ghudsavaari ke scenes ke liye deepika ne na to dupleeket yooj kiya aur na hi jyaada vakt lagaaya. Meri nazar mein deepika behatareen aiktres hain. Khoobsoorti mein aap kisi se kam naheen, fir hiroin na bankar director banane ki koi khaas vajah? Paapa ne to hamein kuchh bhi karne ki chhoot de rakhi thi, lekin na jaane kyon mera bachapan se nirdeshan mein jyaada jhukaav tha. Kai baar hiroin banane ka ofar mila, lekin pehle se tay kar liya tha ki camere ke saamane naheen, peechhe rahana hai.

Paapa Ko Laga Tha Aisi Film Naheen Bana Paaoongi Saundarya https://www.angrejinews.com/pic/50432