Paapa Ke Dar Se Paas Naheen Aate Ladke Sonaakshi

Movies »

Paapa Ke Dar Se Paas Naheen Aate Ladke Sonaakshi

prashaant jain sonaakshi sinha ko dar hai ki paapa ke 'Khaamosh' ka dar yoon hi bana raha, to vah kunvaari hi na rah jaaen! Film 'Haulide' ko promote karne ke liye deeteeemaem ke office pahuncheen sonaakshi sinha ne hamse ki khaas baatcheet. . . Aajkal jyaadaatar hiroinein side opshan dekhne lagi hain. Koi praudakshan house khol rahi hain, to koi fashion line launch kar rahi hain. Aapka kya khyaal hai? Filhaal abhi to kaam achha chal raha hai, isliye is baare mein kuchh socha naheen hai. Jab aage kuchh sochana padega, to dekheinge. Vaise hamaara khud ko praudakshan house hai, jise mere bhaai sanbhaal rahe hain. Ab usaka hissa to main daayarektali aur inadaayarektali hoon hi. Fir agar fashion line bhi shuroo karni ho, to main uske liye bhi kvaulifaaid hoon. Mainne usaki education li hui hai. Haalaanki filhaal aisa koi bhi plaan naheen hai. Bollywood mein jyaadaatar hiroinon ke naam ke saath kisi na kisi hero ka naam judta rahata hai. Aapke saath aisa kam hi hota hai. Kaheen paapa ka dar to naheen? Ho sakta hai. Haal hi mein main 'Kaumidi nights vid Kapil' mein gayi thi. Vahaan sab log mere liye koi ladka dhoondh rahe the. Itne mein siddhoo paaji bol pade ki agar koi ladka himmat karke aage aaega bhi to seedhe Delhi se aavaaj aaegi khaamosh. Tab mainne bola ki paaji, aisi baat bilkul mat bolo, kyonki in baaton ko sunakar ladke aate hi naheen hain. Aise to main kunvaari hi rah jaaoongi. Aapne fashion dijaaining ka course bhi kiya. Fir baad mein yeh kyon chhod diya? Vah mainne chhoda naheen, balki chhoot gaya. Vah ek fej tha, jab main rainp par utari thi. Tab main sirf designer banana chaahati thi. Tab main model ya aiktres naheen banana chaahati thi. Mere kuchh doston ne mujhe yeh chaans diya tha. Abhi tak Salman ki laki chaarm raheen, kya ab Akshay ki bhi laki girl ban gayi hain? Mera maanana hai ki Akshay Kumar aur Salman Khan ko luck ki jaroorat naheen hai. Ve log bahut bade star hain. 'Haulide' mein apne rol ke baare mein bataaie. 'Haulide' mein mera rol sabse alag hai. Mujhe lagta hai ki yeh meri real life ke kaafi kareeb hai. Daraasal, bachapan mein main bhi kaafi sporti thi aur film mein bhi main sporti hoon. Yeh ek college girl ka rol hai. Haalaanki mainne pehle kabhi boxing mein hissa naheen liya, lekin ab mainne boxing ko apne varkaaaut mein shaamil kar liya hai. Film mein boxing ke liye Akshay sar ne khaastaur par mujhe vijeindr Singh se milvaaya tha. Aap Rajnikant ke apojit linga bhi kar rahi hain. Kaisa raha eksapeeriyans? Mera hindi filmon mein debyoo Salman ke saath hua, to tamil mein Rajnikant ke opojit hone vaala hai. Jaahir hai, mere liye isse behtar mauka naheen ho sakta tha. Rajni sar bahut hi achhe insaan hain. Itne bade star hone ke baavajood itna achha nechar mainne aaj tak kisi ka naheen dekha. Aisi bhi khabarein aa rahi theen ki vah aapke saath kaam karne se hichkicha rahe the. . . Haan, khabarein to mainne bhi padheen, lekin tab tak film sign ho chuki thi. Pehli baar milne par mainne Rajni sar se kaha ki aap itne bade star hain, isliye main aapke saath kaam karne mein nervous ho rahi hoon. Tab vah bole ki tum kyon nervous ho rahi ho. Nervous to mujhe hona chaahiye, kyonki tum mere dost ki beti ho. Aapke paapa fir se MP ban gaye hain, lekin aapko kainpening ke liye vakt naheen mil paaya! Paapa ne bhi eksapekt naheen kiya tha ki main vahaan par jaaoon aur unke liye kainpening karoon. Daraasal, vah jaante hain ki vah mera prafeshan naheen hain. Unhonne is baare mein mujhse kuchh poochha bhi naheen tha. Jo bhi savaal aa rahe the, ve media ki taraf se hi the ki main kyon naheen gayi aur mera kehna tha ki main kyon jaaoon. Haalaanki, bataur faimili meinbar mera unhein poora support raha. Paapa bataur aiktar achhe lagte hain ya fir bataur paulitishn? Mujhe apne paapa sabse achhe mere paapa ke rol mein lagte hain. Vah baahar logon ke liye shatrughn sinha hain, lekin ghar mein hamaare liye sirf paapa hain. Daily life mein kabhi aisa hota hai ki aapko dabangai dikhaani padti ho? Vaise to aisa chaans kam hi aata hai, lekin main set par time se pahunchane ke maamale mein behad partikular hoon. Isliye main hamesha time se set par pahunchati hoon. Lekin jab main set par pahunch jaati hoon aur shooting shuroo naheen ho paati, to mujhe achha naheen lagta. Mera maanana hai ki jab main doosare ke time ki rispekt kar sakti hoon, to doosare ko bhi mere time ki rispekt karni chaahiye. Aise mein, jab shooting ka time let hone lagta hai, to mujhe apni dabangai dikhaani padti hai.

Paapa Ke Dar Se Paas Naheen Aate Ladke Sonaakshi https://www.angrejinews.com/pic/52228