'Paani Naheen Hai To Kya Peshaab Kar Ke Dein? Bole Ajit Pawar

Breaking »

'Paani Naheen Hai To Kya Peshaab Kar Ke Dein?  Bole Ajit Pawar

Nai Delhi. . Maharashtra ke upamukhyamantri aur enaseepi cheef sharad Pawar ke bhateeje ajit Pawar ne hairaan karne vaala ek bayaan diya hai. Sookhe se joohjte kisaanon ki taraf se ho rahi paani ki maang par majaak udaate hue unhonne kaha ki 'Jab baandh mein paani hai hi naheen to kya peshaab karke dein paani? ' haalaanki media mein is bayaan par halla machne ke baad ajit Pawar ne maafi maang li hai, lekin unke isteefe ki maang tej hoti ja rahi hai. Hamaare sahayogi samaachaar channel times naau ne is baare mein khabar di hai. Channel ke mutaabik ajit Pawar ne Pune mein yah vivaadaaspad bayaan diya hai. Party kaaryakartaaon se baat karte hue unhonne kaha, 'Deshmukh naam ka ek aadmi vahaan aajaad maidaan (Mumbai) mein bhookh hadtaal par baitha hai. 55 din ho gaye. . . Mila kya paani? Are paani hai hi naheen to kahaan se chhodein? Kya peshaab karke dein inhein paani? ' itna hi naheen, sookha ki samasya ajit Pawar ke liye hansi-majaak ki cheej bani hui thi. Saarvajanik manch se bhaashan karte hue ajit apne haasya prem par khud mugdh hue ja rahe the. Vah khud apni hansi rok naheen pa rahe the. Magar, bheed mein maujood mahilaaen unki baaton par stabdh theen. Haan bahut se purush jaroor unki baaton par jor-jor se hansakar unka utsaah badha rahe the. Ajit Pawar ne kaha, 'Bijli ki kami ho gayi hai, lekin bachchon ka janm utani hi teji se badh gaya hai. Vajah yah hai ki laait naheen hone se doosra kaam karne mein bahut aasaani ho gayi hai. ' ajit Pawar yahaan kai vikaas kaaryon ka udghaatan karne aae the. Yaheen aam sabha mein bijli aur paani ki maang ka unhonne majaak udaaya. Gaurtalab hai ki sholaapur ke liye ujani baandh se paani dene ki maang ko lekar prabhaakar Deshmukh pichhle 55 dinon se anashan par baithe hain. Maafi maangi, par isteefe ki maang badhi media mein ajit Pawar ke is bayaan par hangaama shuroo hote hi jahaan raajaneetik halakon mein ajit Pawar ke isteefe ki maang shuroo ho gayi. Enaseepi ne unke bachaav ki koshish ki lekin naakaam rahi. Enaseepi ki taraf se kaha gaya ki ajit Pawar ke bayaan ko media mein jaroorat se jyaada mahatva day diya gaya. Jab baat sanbhalati naheen dikhi to ajit Pawar ne apne bayaan ke liye maafi maang li. Magar, unke isteefe ki maang thamati naheen dikh rahi.

'Paani Naheen Hai To Kya Peshaab Kar Ke Dein? Bole Ajit Pawar https://www.angrejinews.com/pic/4748