PM Par Koyala Ghotaale Ke Daag Anna

Breaking » Sunday, April 14, 2013

ek samvaadadaata. Bulandashahar : Bhrashtaachaar ke khilaaf aandolan chhodne vaale samaajasevi anna hajaare ne kaha ki UP sarkaar ke jyaadaatar mantriyon par bhrashtaachaar ke aarop lag chuke hain. Khud pradhaanamantri koyala ghotaale mein shaamil hain. Jile ke numaaish maidaan mein aam janta ko sambodhit karte hue anna ne yah vichaar vyakt kiye. 'Galat raaste se paisa mat kamaao' anna ne kaha ki unka maanana hai ki jindagi mein vyakti ko apni saamarthya ke anusaar dhan jaroor kamaana chaahiye, lekin iske liye corruption ka sahaara naheen lena chaahiye. Aaj sansad aur vidhaanasabhaaon mein galat log pahunch gaye hain. Unhonne kaha ki angrejon se to hamein 1947 mein aajaadi mil gayi, magar bhrashtaachaar mein doobe hue kaale angrejon se hamein aajaadi tab milegi, jab ham sangathit honge. Vidhaanasabha aur sansad mein sahi aacharan ke vyakti hi pahunchane chaahiye. 'Mandir hi mera ghar' anna ne kaha ki unka koi ghar naheen hai. Vah mandir mein rahate hain. Unhein apne bhaaiyon ke bachchon ke naam tak naheen pata hai. 1965 mein Bhaarat-Pak ki ladaai mein vah Pakistan ke khilaaf lad chuke hain. Anna ne kaha ki ab tak vah 6 cabinet mantriyon ke wicket le chuke hain. Unhonne kaha ki shabdon mein vajan ke bina aavaaj buland naheen ho sakti. '23 karod log bhookhe' inse pehle poorv general vi. Ke. Singh ne kaha ki desh mein 23 karod log bina khaana khaaye sote hai. 35 karod log ek samay khaana khaate hai. Unhonne kaha ki desh mein degree lena aasaan hai, lekin naukri kaafi mushkil hai. Unhonne kaha ki pehle desh ke 50 jilon mein naksalavaad tha, ab vah badhkar 272 jilon mein fail gaya hai.