PM-PC Ko 'Clean Chit Dene Par DMK Gambhir

Breaking »

PM-PC Ko 'Clean Chit Dene Par DMK Gambhir

Joseph barnaad. Nai Delhi UPA se alag hui DMK ab 2ji ghotaale maamale mein A. Raaja ke saath hai. Is maamale mein usane is baar aakraamak tevar apnaane ka sanket diya hai. DMK ka kehna hai ki ghotaale ka saara dosh raaja par daalna theek naheen hai. 2ji ghotaale par draft report mein jis tarah se PM aur vitt mantri pi. Chidambaram ko clean chit dene aur raaja par saara dosh madhne ki baat saamane aa rahi hai, usako DMK ne kaafi gambheerta se liya hai. Party sootron ka kehna hai ki agar jaroorat padi to DMK ke pramukh PM se is maamale mein baat kareinge. Haalaanki pehle vah is report ko gaharaai se padheinge aur uske baad apni rananeeti tay kareinge. Filhaal DMK pramukh M Karunanidhi ne JPC draft report ki aalochna karte hue kaha hai ki koi yah kaise maan sakta hai ki ek mantri ne pradhaanamantri ko gumaraah kar diya. Yah poochhane par ki kya is mudde par vah raaja ko koi salaah deinge? Karunanidhi ne kaha ki raaja keindreeya mantri rah chuke hain, unhein kuchh salaah dene ki jaroorat naheen hai. Party ke ek senior neta ka kehna hai ki is maamale mein raaja ne 'Pehle aao, pehle paao' ki neeti ko apnaaya. Is baare mein PM ke saath vitt mantri se unhonne baatcheet ki thi. Donon se salaah-mashavara karne ke baad hi unhonne is neeti ko apnaate hue spectrum baante. Aise mein raaja ko is baat ke liye akele kataghare mein khada karna theek naheen hai. Is neta ka kehna hai ki kaig ne 2ji spectrum maamale mein ghaate ki jo tasveer pesh ki hai, usaki pol 3ji spectrum ki neelaami ke baad khul gayi hai. Is baare mein tarkasangat tareeke se socha jaana chaahiye. Gaurtalab hai ki in sabhi baaton ko A. Raaja apne not mein JPC ke saamane rakheinge. Party ka maanana hai ki uske baad hi is maamale ki sachaai saamane aaegi.

PM-PC Ko 'Clean Chit Dene Par DMK Gambhir https://www.angrejinews.com/pic/6169