PM Ne Shramik Sangathanon Se Hadtaal Vaapas Lene Ki Appeal Ki

Business »

PM Ne Shramik Sangathanon Se Hadtaal Vaapas Lene Ki Appeal Ki

Nai Delhi: Pradhaanamantri Manmohan Singh ne kendreeya shramik sangathanon se unki 20 February se prastaavit do din ki hadtaal vaapas lene ki appeal karte hue kaha ki isse arthavyavastha ko nuksaan aur janta ko pareshaani hogi. Pradhaanamantri ne sangathanon se baatcheet ki peshakash ki hai. Mahangaai aur shramik kaanoonon ke ullanghan ke maamale mein sarkaar ki taraf se koi kaaravaai naheen hone ke khilaaf desh ke 11 kendreeya shramik sangathanon aur karmachaari mahaasanghon ne 20 aur 21 February ko deshavyaapi hadataal ka aahvaan kiya hai. Pradhaanamantri ne ek sandesh mein kaha hai 'Main kendreeya shramik sangathanon se unki 20 aur 21 February ko prastaavit hadtaal vaapas lene ki appeal karta hoon. Is tarah ki hadtaal se hamaari arthavyavastha ko nuksaan hoga, saath hi sevaaen baadhit hone se logon ko bhi pareshaani hogi, isse bacha ja sakta hai. ' unhonne kaha ki shramik sangathanon ne jo mudde uthaae hain unamein se kaiyon par pehle hi kaarravaai chal rahi hai aur kuchh anya mudde vichaar-vimarsh ke vibhinn staron par hain. Shramik sangathanon se hadtaal vaapas lene ki appeal karte hue pradhaanamantri ne kaha ki unhonne mantrimandal ke varishth sadasyon AK Antony, sharad Pawar, pi. Chidambaram aur shram mantri mallikaarjun khadge ko unke saath batacheet karne ko kaha hai. Pradhaanamantri ne kaha 'Mujhe poora yakeen hai ki is baatcheet se aisa samaadhaan niklega jo ki shramik sangathanon aur sarkaar donon ko sveekaarya hoga. '

PM Ne Shramik Sangathanon Se Hadtaal Vaapas Lene Ki Appeal Ki https://www.angrejinews.com/pic/2126