PM Ne Diya Panchaayati Raaj Ki Majabooti Par Jor
India » Thursday, April 25, 2013
vishesh samvaadadaata . Nai Delhi pradhaanamantri Manmohan Singh ne desh ke samagr vikaas ke liye panchaayati raaj vyavastha ko majaboot karne par khaas jor diya hai. Budhvaar ko vigyaan bhavan mein aayojit panchaayati raaj diwas ke mauke par deshbhar se aae panchaayat pramukhon ko sambodhit karte hue PM ne is par apni baat rakhi. Unhonne kaha ki hamaari koshish honi chaahiye ki panchaayati raaj mahaj ek naara bankar naheen rah jaae, balki is par asaliyt mein amal ho. Vikeindreekaran hai maksad : Manmohan Singh ne kaha ki panchaayati raaj ko amaleejaama pahanaane ke liye unke haathon mein prashaasanik adhikaar dene ki jaroorat hai. Unhonne kaha ki panchaayati raaj ka maksad vikeindreekaran hai, jiske tahat logon ko khud prashaasan chalaane ka adhikaar mil sake. Iske liye hamein sahi maayanon mein chune gaye pratinidhiyon ko jimmedaari aur adhikaar dene honge. Haalaanki, PM ne iske liye afsos bhi jataaya ki desh ke prashaasak aur byoorokresi naheen chaahati ki prashaasan se jude adhikaar unke haath se baahar jaaen ya use sthaaneeya nikaayon ke saath saajha kiya jaae. Singh ne kaha ki aisi soch mein turant badlaav ki jaroorat hai. Jyaada paisa, jyaada madad : PM ne kaha ki panchaayaton ko majaboot banaane ki pahal ke tahat 12veen panchavarsheeya yojana mein 10 guna jyaada paisa diya ja raha hai. Gaurtalab hai ki jahaan 11veen yojana ke tahat kendra ne 660 karod rupaye panchaayaton ko diye the vaheen 12veen yojana mein is rakam ko badhaakar 6437 karod rupaye kiya gaya hai. PM ne kaha ki panchaayaton ko majaboot banaane ki yojana ke tahat kendra sarkaar Rajiv Gandhi panchaayat sashaktikran abhiyaan laagoo karegi. Rijrveshan ki saraahana : Pradhaanamantri ne apne bhaashan ke dauraan kuchh raajyon dvaara sthaaneeya chunaavon mein pichhde vargon aur mahilaaon ki hissedaari ke liye rijrveshan sambandhi kadam ki saraahana bhi ki. Is mauke par PM ke alaava panchaayati raajyamantri ke. Si. Dave aur poorv panchaayati raaj mantri manishankar ayyar ne bhi apne vichaar rakhe. Ayyar ne panchaayaton se judi yojanaaon par theek dhang se amal naheen ho paane ke liye naukarashaahi par nishaana saadha. Is mauke par behtar kaam karne waali panchaayaton ko puraskaar bhi diye gaye.