PM Narendra Modi Ne Tweet Kiya, School Ke Paathyakramon Mein Meri Jeevani Na Karein Shaamil

Breaking »

PM Narendra Modi Ne Tweet Kiya, School Ke Paathyakramon Mein Meri Jeevani Na Karein Shaamil

Pradhaanamantri Narendra Modi Pradhaanamantri Narendra Modi Nai Delhi: pradhaanamantri Narendra Modi ki jeevani se juda paath schoolon ke silebas mein shaamil kiye jaane par Modi ne tweet kiya hai. Modi ne likha hai ki jeevit logon ki jeevani schoolon ki paathyakram mein na hon. unhonne likha ki is desh ke itihaas mein diggajon ki kami naheen hai aur bachchon ko unki jeevani padhaai jaani chaahiye, jisse ve unki tarah banana seekh sakein. Modi ne tweet kiya, mera drudhtaapoorvak maanana hai ki jeevit vyaktiyon ke jeevan vrutaant ko school ke paathyakram ke hisse ke taur par shaamil naheen kiya jaana chaahiye. Unhonne kaha, mainne samaachaar patron mein padha ki kuchh raajya Narendra Modi ke jeevan ke sangharsh ko apne schooli paathyakram mein shaamil karna chaahate hain. unhonne kaha ki Bhaarat ka itihaas desh ko vartamaan tak laane vaale diggajon ki gaathaaon se bhara pada hai. Yuvaaon ko chaahiye ki ve in mahaan logon ke baare mein padhein aur unka anusaran karein. ullekhaneeya hai ki Gujarat ke primary school ki kitaabon mein agale satr se Modi se juda paath shaamil karne ki baat chal rahi thi. Gujarat ke shiksha mantri bhoopeindr chudaasma ne bataaya tha ki Narendra Modi ki jindagi ke saare aham pahaluon ko paathyakram mein shaamil kiya jaaega. Unhonne kaha tha ki isko lekar ek kamethi ka gathan kiya jaaega aur 2015 ke satr se ise silebas mein shaamil kar diya jaaega.

PM Narendra Modi Ne Tweet Kiya, School Ke Paathyakramon Mein Meri Jeevani Na Karein Shaamil https://www.angrejinews.com/pic/52209