PM Modi Ne Naukarashaahon Se Kaha, Shaasan Mein Baadhak Puraane Niyamon Ko Khatm Karein, Main Aapke Saath Hoon

Breaking »

PM Modi Ne Naukarashaahon Se Kaha, Shaasan Mein Baadhak Puraane Niyamon Ko Khatm Karein, Main Aapke Saath Hoon

Nai Delhi: kaamkaaj mein teji laane ki pranaali par jor dete hue pradhaanamantri Narendra Modi ne Budhvaar ko naukarashaahon se kaha ki un puraane niyamon aur prakriyaaon ko khatm karein, jo bhram paida kar shaasan mein baadha paida karte hain. Pradhaanamantri ne unhein nirnaya lene ke liye utsaahit kiya aur vaada kiya ki vah unka saath deinge. pradhaanamantri ne sabhi mantraalayon aur vibhaagon ke 77 sachivon aur varishth adhikaariyon ke saath saamoohik baithak kar unase kaha ki ve sujhaav dene ya kisi mudde ko sulajhaane mein unke hastakshep ke liye seedhe unase phone ya E-mel se sampark karein. pichhle aath saalon mein pehli baar hui aisi baithak ke baad jaari aadhikaarik bayaan mein kaha gaya hai ki dhaai ghante chali lambi baithak mein Modi ne sheersh naukarashaahon ko dhairyapoorvak suna aur unki bhaavanaaon se sahaanubhooti jataai. 'Paristhitiyon' ke kaaran unki sahi kshamataaon ka aakalan naheen hone ko lekar unke kshobh par bhi pradhaanamantri ne gaur kiya. Modi ne desh ka bhavishya behtar banaane mein naukarashaahon ki pratibaddhata aur kshamata par poora bharosa jataate hue unase kaha ki prashaasanik niyamon evam prakriyaaon ko saral evam duroost banaaen, taaki ye janahitaishi ho sakein. Unhonne kaha, aise niyam aur prakriya ho sakte hain, jo puraane ho gaye hain aur prashaasan ki prakriya mein suvidha ki bajaay ve bhram paida kar rahe hon. Unhonne aise puraane niyamon evam prakriyaaon ki pehchaan karne evam unhein khatm karne ki aavashyakta par jor diya. sabhi adhikaariyon ki un tak pahunch ka vaada karte hue, pradhaanamantri ne unhein utsaahit kiya ki apni soochanaaon evam vichaaron ke saath ve sampark karein. Bayaan mein kaha gaya hai ki unhonne adhikaariyon ko nirnaya karne ke liye protsaahit kiya aur aashvaasan diya ki vah unke saath khade honge. prashaasan mein jyaada dakshata evam prabhaav laane ke liye praudyogiki ke istemaal par jor dete hue Modi ne kaha, lokatantr mein naagrikon ki shikaayaton ka samaadhaan kaafi mahatvapoorn hai aur soochana praudyogiki se is silsile mein kaafi madad mil sakti hai. Unhonne 'Team bhaavana' par jor diya aur sachivon se aagrah kiya ki ve apni team ka neta banein. unhonne kaha, saamoohik kaarya se hi tvarit parinaam haasil kiye ja sakte hain. Apne kaamon ka hamesha lekha-jokha dene ki peshakash karte hue pradhaanamantri ne kaha ki shaasan ki prakriya mein vichaaron ko sansthaagat roop mein parivrtit kiya jaana chaahiye, kyonki sansthaan vyakti se jyaada samay tak rahate hain. Varishth naukarashaahon ne bhaavanaaon ka samarthan kiya aur isi tarah ki javaabadehi ka svaagat kiya.

PM Modi Ne Naukarashaahon Se Kaha, Shaasan Mein Baadhak Puraane Niyamon Ko Khatm Karein, Main Aapke Saath Hoon https://www.angrejinews.com/pic/52805