PM Modi Ne 100 Din Ke Agende Par Mantriyon Ke Saath Baithak Ki

Breaking »

PM Modi Ne 100 Din Ke Agende Par Mantriyon Ke Saath Baithak Ki

Modi ke 10-sootri agenda ke pariprekshya mein yeh baithak hui Modi ke 10-sootri agenda ke pariprekshya mein yeh baithak hui Nai Delhi: sushaasan, nishpaadan aur kaaryaanvayan par jor de rahe pradhaanamantri Narendra Modi ne somvaar ko apni 45-sadasyeeya mantriprishd ki baithak bulaai, jo teen ghante se adhik chali. Samjha jaata hai ki Modi ne arthavyavastha mein teji laane, adhik nivesh tatha buniyaadi dhaancha sudhaarane ke baare mein apne vichaar mantriprishd ke sahayogiyon ke samaksh rakhe. samjha jaata hai ki baatcheet ke kendra mein 100 din ka agenda raha. Modi ne mantriyon se kaha hai ki ve praathamiktaaon ki pehchaan kar unke kaaryaanvayan ki disha mein kaarya karein. Sootron ne bataaya ki samjha jaata hai ki Modi ne shaasan se jude vibhinn masalon par mantriyon ke sujhaav bhi maange. Modi ke 10-sootri agenda ke pariprekshya mein yeh baithak hui. 10-sootri agenda mein nivesh badhaana, buniyaadi dhaancha pariyojanaaon ko samayabaddh dhang se poora karna tatha praakrutik sansaadhanon ka dohan shaamil hai. pradhaanamantri ne mantraalayon ke sashakteekaran ka faisala pehle hi kiya hai. Unhonne sabhi uchchaadhikaar praapt mantreesamooh tatha mantreesamooh bhang kar diye. Isse pehle unhonne apne mantrimandaleeya sahayogiyon se kaha tha ki ve 100 din ki samayasaarini banaaen aur sushaasan, delivery evam kaaryakramon tatha yojanaaon ke kaaryaanvayan par dhyaan dete hue praathamiktaaen tay karein.

PM Modi Ne 100 Din Ke Agende Par Mantriyon Ke Saath Baithak Ki https://www.angrejinews.com/pic/52568