PM Modi Ka Siyaasi Sandesh Hai Prajnyaa Thaakur Par Sakht Bayaan

Breaking »

PM Modi Ka Siyaasi Sandesh Hai Prajnyaa Thaakur Par Sakht Bayaan

Nai Delhi Bhopal se BJP ummeedavaar saadhvi prajnyaa ke bayaan par pradhaanamantri Narendra Modi ne ab tak jo sabse sakht bayaan diya to uske bade raajaneetik nihitaarth maane gaye. Modi ne kaha ki bhale party maaf kar de, lekin vah man se maaf naheen kar paaenge. Gandhi ke hatyaare Nathuram Godse ke paksh mein pehle saadhvi prajnyaa ke bayaan aur uske baad keindreeya mantri anant Kumar hegade sahit kuchh aur BJP netaaon ke bayaan saamane aane ke baad antim charan chunaav se theek pehle BJP ke liye asahaj sthiti paida hone lagi thi. Aise mein PM Modi ne sakht bayaan dekar aise tamaam logon tak apna sandesh pahunchaaya. Vaheen, ise daimej control karne ki disha mein bhi bada kadam bataaya gaya. Padhein, shaah ki PC mein PM Modi bole, fir banaaenge sarkaar Gandhi ki 150veen jayanti mana rahi hai sarkaar Daraasal Narendra Modi ne Congress se jin viraasat ko apne paale mein lene ki koshish ki thi vah mahaatma Gandhi aur sardaar Patel ki rahi hai. PM Modi ne har mauke par mahaatma Gandhi ko apni tamaam yojanaaon se joda. Apni mahatvaakaankshi yojana svachh Bhaarat abhiyaan ki shurooaat bhi Gandhi jayanti ke mauke par ki gayi thi. Vaishvik star par nae sire se Gandhi ka naam sthaapit karne ka daava kiya. Pichhle dinon yooen ki or se Gandhi jayanti par ek saath 100 se adhik deshon ke kalaakaaron ne Gandhi ko shraddhaanjali di thi. Ise Modi sarkaar ne apni bada safalta kahi thi. Is saal Modi sarkaar poore vishv mein Gandhi ki 150veen jayanti bhi mana rahi hai. Hegade jaise netaaon ke bayaan se dhakka PM Modi ki in koshishon ke beech saadhvi prajnyaa aur anant hegade jaise netaaon ke bayaan ne bahut bada dhakka diya. Pichhle ek din ke dauraan na sirf desh balki videshon mein bhi is masale par charcha hui. Sarkaar ko isse desh ke andar se lekar desh ke baahar tak savaalon ka saamana karna pad sakta tha. Padhein, Modi ne band kamre mein ki press conference: Rahul Hindu aatankvaad ke mudde ko alag kiya Haalaanki party ne bhi yeh bhi saaf kar diya ki mahaatma Gandhi par diye gaye tippani ko lekar saadhvi prajnyaa ke bayaan se usaka koi lena dena naheen hai, lekin unhein ticket diye jaane ko lekar party bilkul baikafut par naheen jaegi. Is donon mudde ko alag-alag kar pesh karegi. Press conference mein PM Modi se isse juda savaal poochha gaya to party adhyaksh amit shaah ne kaha ki unhein ticket dena ek tarah hindu ko aatankvaad se jodne ki Congressi saajish ke khilaaf satyaagrah hai. Kya tha saadhvi prajnyaa ka bayaan? Gaurtalab hai ki guruvaar ko aagar-maalava mein road sho karne pahuncheen prajnyaa ne kaha tha, 'Nathuram Godse deshbhakt the, hain aur raheinge. Aatankvaadi kehne vaale log swayam ke girebaan mein jhaankakar dekhein. Abaki chunaav mein aise logon ko javaab de diya jaaega. ' baad mein saadhvi prajnyaa ne maafi maang li thi.

PM Modi Ka Siyaasi Sandesh Hai Prajnyaa Thaakur Par Sakht Bayaan https://www.angrejinews.com/pic/275289