PM Kisaan Yojana Ki Doosari Kist Agale Maheene 4.74 Karod Kisaanon Ko Milegi

Business »

PM Kisaan Yojana Ki Doosari Kist Agale Maheene 4.74 Karod Kisaanon Ko Milegi

Nai Delhi Aam chunaav ko lekar beete 10 March ko aachaar sanhita laagoo hone se pehle pradhaanamantri kisaan yojana ke tahat panjeekrut 4.74 karod chhote evam seemaant kisaanon ko 2,000 rupaye ki doosari kist agale maheene unke bank khaate mein pahunch jaaegi. Shanivaar ko ek varishth sarkaari adhikaari ne yeh jaankaari di. Unhonne bataaya ki yojana ke 4.74 karod laabhaarthiyon mein se 2.74 karod logon ko pehli kist ki raashi mil chuki hai, jabki baaki ko is maheene ke ant tak mil jaaegi. Padhein, PM kisaan sammaan nidhi: 6,000 ki pehli kist mein mile 2,000 rupaye kahaan kharch kiye kisaan Adhikaari ne kaha ki Bhaarat nirvaachan aayog (ECI) ne keindreeya krushi mantraalaya ko 10 March se pehle yojana ke tahat panjeekrut hue sabhi laabhaarthiyon ko pehli tatha doosari kist ki rakam jaari karne ki anumati de di hai. Ullekhaneeya hai ki Loksabha chunaav se pehle kendra sarkaar ne 75,000 karod rupaye ki laagat waali pradhaanamantri kisaan sammaan nidhi (PM-kisaan) yojana ki ghoshana ki thi, jiske tahat do hekteyar tak ki krushi bhoomi rakhane vaale 12 karod kisaanon ko saalaana 6,000 rupaye ki rakam teen kiston mein jaari kiye jaaenge. Padhein, PM kisaan yojana se 12 karod kisaanon ko milegi gaaranteed income Adhikaari ne kaha, 'Hamaare paas deshbhar ke 12 karod kisaanon ke aankade aane ki ummeed hai. Lekin chunaav aachaar sanhita laagoo hone se pehle hamein 4.74 karod kisaanon ke hi aankade mil paae. ' unhonne kaha ki sarkaar pehle hi 2.74 karod laabhaarthiyon ko pehli kist ke roop mein 2,000 rupaye ki rakam jaari kar chuki hai aur baaki ko is maheene jaari kar di jaaegi.

PM Kisaan Yojana Ki Doosari Kist Agale Maheene 4.74 Karod Kisaanon Ko Milegi https://www.angrejinews.com/pic/263001