PM Bole, 8 Feesadi Ki Vikaas Dar Fir Se Haasil Kareinge

Business »

PM Bole, 8 Feesadi Ki Vikaas Dar Fir Se Haasil Kareinge

Nai Delhi. . CII ke saalaana samaaroh mein pradhaanamantri Manmohan Singh ne arthavyavastha ki dheemi vikaas dar ka theekara global factor aur kaurporet jagat par foda. Pradhaanamantri ne bhavishya mein vikaas dar badhne ki ummeed bhi jataai. Pradhaanamantri Manmohan Singh ne kaha, '2007 mein asaamaanya roop se aashaavaadi kaarobaari maahaul aaj asaamaanya roop se niraashaavaadi hai. ' pradhaanamantri ne kaha ki paanch feesadi ki dheemi vikaas dar niraashaajanak hai, lekin fir se yah aath feesadi ho sakti hai. Pradhaanamantri ne kaha, 'Hamein sveekaar karna hoga ki eksaport kamjor rahega aur chaaloo khaata ghaata ummeed se jyaada rahega. Ham raajakosheeya ghaate ko kam karne ke liye harsambhav kadam uthaaenge. ' pradhaanamantri Manmohan Singh ne kaha, 'Ham ek asthaayi aarthik giraavat ko dekh rahe hain, jiske liye aanshik taur par vaishvik tatv jimmedaar hain. Hamein sudhaaraatmak kadam uthaane honge. ' unhonne kaha, 'Niji kshetr ke nivesh mein giraavat ko badla jaana chaahiye. Main nivesh sambandhi cabinet committee ki gayi pragati se utsaahit hoon. ' pradhaanamantri ne kaha ki sarkaar pratyaksh videshi nivesh (FDI) neeti ki vyaapak sameeksha kar rahi hai. Pradhaanamantri ne bataaya ki bhoomi adhigrahan bill jald hi sansad mein pesh hoga. Unhonne kaha ki naukarashaahi mein bhrashtaachaar aur aalasya badi samasyaaen hain.

PM Bole, 8 Feesadi Ki Vikaas Dar Fir Se Haasil Kareinge https://www.angrejinews.com/pic/4296