'PM Banane Ki Tamanna Naheen, Party Ka Kaam Karna Chaahata Hoon

Business »

'PM Banane Ki Tamanna Naheen, Party Ka Kaam Karna Chaahata Hoon

nai Delhi. . Vitt mantri pi. Chidambaram ne ek baar fir se apne pradhaanamantri banane se jude savaalon se bachate hue kaha ki unki aisi koi tamanna naheen hai aur vah party ka kaam karna pasand kareinge. Yah poochhane par ki vah 2014 mein hone vaale aam chunaav ke baad pradhaanamantri banane par vah apna vitt mantri kise banaana pasand kareinge, unhonne kaha, 'Meri aisi koi chaahat naheen hai. Mera maanana hai ki jo kuchh saal mere paas bache hain unka main ghoomane-firne mein yooj karoonga. ' Chidambaram ne majaakiya lahaje mein kaha, 'Savaal ke pehle hisse ko main sire se khaarij karta hoon aur yadi main pehle ko khaarij kar raha hoon to, doosra savaal hi naheen uthata. Lekin main nishchit taur par aapke aur kai anya ke naam ki sifaarish nae pradhaanamantri ke liye kar sakta hoon. ' 'The ikaanaamist' dvaara yahaan aayojit Bhaarat sammelan mein savaalon ka javaab dete hue Chidambaram ne kaha ki vah Congress party ke kaaryakarta bane rahana pasand kareinge. Chidambaram ne kaha, 'Jab main Congress party ki pradesh shaakha ka mahaasachiv tha, us vakt ke alaava mere paas party star par kaam karne ka paryaapt avsar naheen raha. Main yah saabit karna chaahata hoon ki main bhi party ka kaam kar sakta hoon. Main ummeed karta hoon ki party mujhe yaatra karne, padhne-likhne ki anumati degi. '

'PM Banane Ki Tamanna Naheen, Party Ka Kaam Karna Chaahata Hoon https://www.angrejinews.com/pic/6630