PDP-naishanal Conference Ke Bayaanon Par Satyapaal Malik Ka Palatavaar- Raajyapaal Hi Naheen CM Bhi Hoon

Breaking »

PDP-naishanal Conference Ke Bayaanon Par Satyapaal Malik Ka Palatavaar- Raajyapaal Hi Naheen CM Bhi Hoon

Jammu Jammu Kashmir ke raajyapaal satyapaal malik ne unke raajaneetik bayaanon ke liye peepals demokraitik party (peedeepi) aur naishanal conference ki aalochna ko khaarij kar diya hai. Unhonne kaha ki vah nai Delhi se sanchaalit raashtrapati sarkaar ke najariye ko pesh kar rahe the. Malik ne yeh bhi kaha ki main sirf raajyapaal hi naheen balki mukhyamantri bhi hoon. Pichhle hafte hi satyapaal malik ne peedeepi adhyaksh mahbooba mufti ki ek sainya adhikaari ke khilaaf kaarravaai ki maang ko thukara diya tha. Satyapaal malik ne kaha tha, 'Mahbooba mufti ko gambheerta se liye jaane ki jaroorat naheen hai aur main suraksha balon ke saath khada hoon. ' bata dein ki sainya adhikaari par ek aam naagrik ko yaatana dene aur dhamakaane ke aarop the. Malik ke bayaan par aapatti jataate hue peedeepi aur naishanal conference ne raajyapaal par khullam-khulla paksh lene aur raajaneeti mein anaavashyak dakhalandaaji karne ka aarop lagaaya tha. 'Kya Rajbhavan sirf golf khelne ke liye hai? ' Raajyapaal satyapaal malik ne riyaasi jile ke katara taaunaship mein shanivaar ko ek kaaryakram se itar media se kaha, 'Kya Rajbhavan har samay golf khelne ke liye hai. Rajbhavan raashtrapati ka pratinidhi hai aur nai Delhi mein raashtrapati ki sarkaar hai, main us sarkaar ka pratinidhi hoon aur mainne uske vichaar rakhe hain. Agar aap (kendra) sarkaar ko rojaana gaali dete hain to kisi ko javaab dena hai. Main sirf vahi kar raha hoon. Main na sirf raajyapaal balki mukhyamantri bhi hoon. ' Gaurtalab hai ki 5 February ko mufti ne maang ki thi ki raajyapaal aur sena pramukh major shukla ke khilaaf kaarravaai karein. Unhonne bal ke shaadeemarg shivir mein pulavaama nivaasi tauseef vaani ko kathit taur par yaatana di thi aur muthabhed mein maar daalne ki dhamaki di thi. Malik ne agale din kaha tha ki vah aise bayaanon se suraksha balon ka manobal girne naheen deinge. Unhonne aarop lagaaya tha ki peedeepi pramukh ke bayaan ka uddeshya aagaami raajya vidhaanasabha chunaavon se pehle jan samarthan haasil karna hai.

PDP-naishanal Conference Ke Bayaanon Par Satyapaal Malik Ka Palatavaar- Raajyapaal Hi Naheen CM Bhi Hoon https://www.angrejinews.com/pic/254085