PCB Adhyaksh Pad Par Ashraf Ki Niyukti Ko Chunauti Deinge Lateef

Cricket »

PCB Adhyaksh Pad Par Ashraf Ki Niyukti Ko Chunauti Deinge Lateef

Karachi. . Poorv kaptaan rasheed lateef ne kaha ki vah naye samvidhaan ke tahat Pakistan cricket board (PCB) ke adhyaksh pad par jaka Ashraf ki niyukti ko haai court mein chunauti deinge. Lateef ne kaha, 'Meri pehli yaachika ke baad PCB ne samvidhaan mein kuchh sanshodhan kiye lekin yah utana lokataantrik naheen hai jitna hona chaahiye. Ismein bhi kai khaamiyaan hain, jinmein sudhaar jaroori hai. ' unhonne kaha, 'Maine tay kiya hai ki PCB adhyaksh ke avaidh chunaav ke khilaaf sindh haai court mein taaja yaachika daayar karoonga. Main kisi vyakti ke khilaaf naheen hoon lekin vyavastha duroost honi chaahiye. ' Ashraf Budhvaar ko PCB ke pehle nirvaachit adhyaksh ho gaye. Islamabad mein aanan faanan mein chunaavi prakriya poori hui. Board ki vigyapti ke anusaar November 2012 se adhyaksh pad par kaabij Ashraf ko naye samvidhaan ke tahat board of gavarnars ne chuna. Ashraf ab agale chaar saal tak pad par bane raheinge.

PCB Adhyaksh Pad Par Ashraf Ki Niyukti Ko Chunauti Deinge Lateef https://www.angrejinews.com/pic/8187