P Bengal Mein Trinamool Par Dikhi Modi Ki Mamata

India »

P Bengal Mein Trinamool Par Dikhi Modi Ki Mamata

bhaasha, vis. Kolkata, nai Delhi : Kendra sarkaar par gair-Congressi raajyon ke saath bhedabhaav karne ka aarop lagaate hue Narendra Modi mangalvaar ko pashchim Bengal ki CM mamata Bannerjee ko lubhaate najar aae. Haalaanki Modi jab Kolkata mein bol rahe the, usase pehle hi mamata Delhi aa gayi theen. Kaarobaariyon ke sammelan mein Modi ne kaha ki Gujarat mein Congress ne itne gaddhe banaae the ki unhein bharne mein mujhe 12-13 saal lag gaye. Pashchim Bengal mein left sarkaar ne 32 saal tak aise hi gaddhe banaae. Main samajhta hoon ki in gaddhon ko bharne ki koshish ki ja rahi hai aur yakeen hai ki logon ke sapane saakaar honge. Kendra sarkaar ki aalochna karte hue Modi ne kaha ki UPA sarkaar aajaadi ke baad ki sambhavat: Sabse naapasand ki jaane waali sarkaar hai. Manmohan Singh par kataaksh karte hue unhonne kaha ki unhein to khud Congress bhi apna neta naheen samajhti. PM pad se juda savaal taalate hue Modi ne kaha ki ek raajaneta ki aisi mahatvaakaanksha ho sakti hai lekin main araajaneetik vyakti hoon. Virodh bhi : Sammelan sthal ke baahar maaovaadi samarthakon ne Modi ke khilaaf jamkar pradarshan kiya. Modi ki rananeeti JDU se khataas ke beech NDA ko majaboot banaane ke liye Modi aise dalon ko jodne ki koshish mein hain, jo saath aa sakte hain. Mamata ki Trinamool inmein se ek hai. Modi ka agala taaraget naveen patanaayak ho sakte hain. Mamata ki adchan BJP Trinamool ko sambhaavit sahayogi ke roop mein dekh rahi hai lekin Bengal ki 24 parseint muslim aabaadi ko dekhte hue mamata hichk rahi hain, khaaskar jab kattar hindoovaadi imej vaale Modi aam chunaav mein usaka chehara banane ki or badh rahe hain. Jahaan tak mujhe pata chala hai, unhonne (Modi) Trinamool sarkaar ki taareef ki hai. Raajaneetik matabhed ho sakte hain, lekin koi bhi sarkaar ke kaam ki taareef kar sakta hai. -mamata Bannerjee, Trinamool cheef Modi ki Kolkata yaatra aur mamata ki Delhi vijit ka asli maksad kya tha? Vajah chaahe kuchh ho, par hamein lagta hai donon dalon ke beech kuchh ghaalamel to jaroor hai. - pradeep Bhattacharya , Bengal Congress adhyaksh BJP sansadeeya board ke faisale ke bina hi Modi maan baithe hain ki vah PM kaindidet hain. - shivaanand t ivaari, JDU pravakta.

P Bengal Mein Trinamool Par Dikhi Modi Ki Mamata https://www.angrejinews.com/pic/5055