Oriyantal Bank Ka 20 Lakh Rupaya Lutakar Faraar

India » Thursday, April 25, 2013

-vibhinn gaanvon mein sthit oriyantal bank ki braanchej mein rakam dene ja rahe the karmachaari -Budhvaar subah kareeb 10 diya vaaradaat ko anjaam, police sandigdh maan rahi hai maamala ek samvaadadaata . Bulandashahar oriyantal bank ka 20 lakh rupaye lootakar lutere faraar ho gaye. Luteron ki sankhya kareeb aadha darjan bataai ja rahi hai. Vaaradaat Budhvaar subah kareeb 10 baje ki hai. Bulandashahar mukhyaalaya se bank karmachaari apni gaadi se dehaat ilaakon ki shaakhaaon mein paisa baatane ja rahe the. Haalaanki SSP maamale ko sandigdh bata rahe hain. Bataaya gaya hai ki jahaangeeraabaad thaana kshetr ke shivaali mod par unki gaadi ko gan paaint par rok liya. Is dauraan bank karmachaari ko bhayabheet karne ke liye luteron ne aur do teen baar havaai firing bhi ki. Ye lutere safed kalar ki skaurpiyon mein savaar hokar aae the. Vaaradaat ko anjaam dekar faraar ho gaye. Budhvaar subah 10 baje bulandashahar mukhyaalaya se oriyantal bank ke karmachaari dehaat ilaakon charaura, jahaangeeraabaad, shivaali aadi gaanvon mein sthit bank ki shaakhaaon mein rupaya baantane ja rahe the. SSP gulaab Singh ne bataaya ki maamala sandigdh lag raha hai, lekin iski jaanch ki ja rahi hai. Loot ki khabar flaish hote hi janapad ki seemaaen seal kar di gayi thi aur police ne jangalon mein kaanbing ki.