Orissa Mein Vedaanta Bauksaait Maaining Project Par Rok

India » Friday, April 19, 2013

PTI . Nai Delhi : Orissa mein vedaanta gurap ke vivaadit bauksaait maaining project par Supreme court ne guruvaar ko rok laga di. Niyaamagiri hills mein ki jaane waali is maaining par tak tak rok lagaai gayi hai jab tak raayagadh aur kaalaahaandi jilon ki gram sabhaaen ise hari jhandi naheen day deteen. Justice aafataab aalam, Justice ke. S. Radhakrishnan aur Justice ranjan gogoi ki bench ne is baare mein aadesh diya. Bench ne donon jilon ki gram sabhaaon ko ilaake mein rahane vaale aadivaasiyon sahit maaining project se jude tamaam masalon par teen maheene ke bheetar faisala karne ka nirdesh diya hai. Iske alaava court ne paryaavaran aur van mantraalaya ko nirdesh diya hai ki gram sabhaaon se report milne ke baad hi do maheene ke bheetar is maamale mein kaarravaai ki jaae. Court ne raajya ke maalikaana hak waali Orissa maaining kauraporeshan ki yaachika par yah nirdesh diya. Yaachika mein paryaavaran aur van mantraalaya ke us faisale ko chunauti di gayi thi jiske tahat vedaanta gurap ki bhaarateeya company starlight ko maaining ke liye paryaavaran manjoori dene se inkaar kar diya gaya tha.