Orissa Mein Rape, Hatya Ke Doshi Ko Maut Ki Saja

Breaking »

Orissa Mein Rape, Hatya Ke Doshi Ko Maut Ki Saja

Bhuvaneshvar. . Orissa mein ek vyakti ko 2 saal pehle ek bujurg mahila ke saath rape aur usaki hatya karne ke maamale mein maut ki saja sunaai gayi hai. Nabarangapur jile mein jila evam session judge ke. Si. Mohapaatra ne rape aur hatya ke is 2 saal puraane maamale mein mishro pareeja ko doshi karaar dete hue use yah saja sunaai. Is maamale ki sunavaai ke dauraan nyaayaalaya ne 18 gavaahon ki gavaahi aur sarkaari vakeel prakaash mishra ki daleel suni. Abhiyojan paksh ne kaha ki 25 saal ke pareeja ne 27 February, 2011 ko jile ke kesarabeda gaanv ke najadeek ek chaaraagaah mein 60 saal ki bujurg mahila ke saath rape kiya aur fir gala ghontakar unki hatya kar di. Pareeja mahila ka shav sthaaneeya shavadaah maidaan mein le ja raha tha, lekin isi beech graameenon ne use pakad liya. Police ne use giraftaar kar liya aur mahila ke bete ki shikaayat par uske khilaaf maamala darj kiya. Orissa mein is saptaah yah doosra maamala hai, jab rape va hatya ke maamale mein adaalat ne mrutyudand ka faisala sunaaya hai. Isse pehle 22 March ko jhaarasuguda mein 22 saal ke ek vyakti ko aise hi ek maamale mein maut ki saja sunaai gayi thi. Use October, 2009 mein ek naabaalig ladki ki hatya aur baad mein uske shav ke saath rape ka doshi paaya gaya tha

Orissa Mein Rape, Hatya Ke Doshi Ko Maut Ki Saja https://www.angrejinews.com/pic/3087