Orissa Ke Poorv Kaanoon Mantri Ka Beta Dahej Maamale Mein Giraftaar

India » Tuesday, March 26, 2013

Bhuvaneshvar. . Orissa ke poorv kaanoon mantri raghunaath mohanti ke bete raajaashri mohanti ko unki patni dvaara darj karaae gaye dahej maamale ko lekar giraftaar kiya gaya. Teen din pehle mohanti ki patni ne unke parivaar ke khilaaf dahej utpeedn ka maamala darj karaaya tha. Ek varishth police adhikaari ne kaha, ''Orissa police ke maanavaadhikaar sanrakshan prakoshth (echaaarapeesi) ke ek dal ne Cuttack ke paas chaudhar mein raajaashri ko giraftaar kiya. '' haalaanki adhikaari ne raghunaath mohanti samet parivaar ke doosare sadasyon ko giraftaar kiye jaane ko lekar kisi savaal ka javaab naheen diya aur kaha ki jaanch chal rahi hai evam jaroorat padne par uchit kadam uthaae jaaenge. Dahej utpeedn ka aarop lagne ke baad raghunaath mohanti ne 15 March ko apne mantri pad se isteefa day diya tha. Raajaashri mohanti ki aath maheene pehle varsha soni chaudhari se shaadi hui thi. Mohanti ne apni patni dvaara apne khilaaf maamala darj karaane ke baad Orissa uchch nyaayaalaya mein agrim jamaanat yaachika daayar ki thi. Unki patni ne 14 March ki raat ko baaleshvar mein 25 lakh rupae, ek gaadi aur doosare moolyavaan saamaanon ki maang karne ka aarop lagaate hue unke parivaar ke khilaaf maamala darj karaaya tha. Is beech raghunaath mohanti ki giraftaari ki maang tej ho gayi hai. Vah vidhaanasabha se anupasthit rah rahe hain aur unka mobile phone band pada huaa hai