Orissa Ke Baad Ab Gujarat Par Khatra, 13 June Ko Takara Sakta Hai Chakravaati Toofaan 'Vaayu

Breaking »

Orissa Ke Baad Ab Gujarat Par Khatra, 13 June Ko Takara Sakta Hai Chakravaati Toofaan 'Vaayu

Nai Delhi Orissa mein pichhle maheene 'Foni' toofaan se machi tabaahi ke baad ab pashchim mein Gujarat par aise hi ek bhayaanak toofaan ka khatra mandara raha hai. Daraasal, arab saagar mein paida hua chakravaati toofaan 'Vaayu' Maharashtra se uttar mein Gujarat ki or badh raha hai. Mausam vibhaag dvaara mangalvaar ko jaari buletin ke anusaar 'Vaayu' ke 13 June ko Gujarat ke tateeya ilaakon porabandar aur kachh kshetr mein pahunchane ki sambhaavana hai. Vibhaag ne agale 12 ghanton mein chakravaati toofaan ke aur adhik gambhir roop dhaaran karne ki sambhaavana jataai hai. Udhar, Gujarat ke adhikaari Orissa mein aae 'Foni' toofaan ke samay apnaai gayi takaneek ke baare mein jaankaari haasil kar rahe hain. Gruh mantri amit shaah ne baithak kar taiyaariyon ka jaayaja liya hai. IMD ke mutaabik uttar ki or badhta 'Vaayu' 13 June ko subah Gujarat ke tateeya ilaakon mein porabandar se mahuva, veraaval aur deev kshetr ko prabhaavit karega. Iski gati 110 se 130 kimi prati ghanta tak ho sakti hai. Uttari Maharashtra ke taton par 70 kimi prati ghante ki raftaar se havaaen chal sakti hain. Gujarat sarkaar ka haai alert, NDRF tainaat Mausam vibhaag ne iske maddenajar Saurashtra aur kachh ke tateeya ilaakon mein 13 aur 14 June ko bhaari baarish hone aur 110 kimi prati ghante ki gati se toofaani havaaen chalne ki chetaavani jaari ki hai. Ise dekhte hue Gujarat sarkaar ne bhi 'Haai alert' jaari karte hue Saurashtra aur kachh ilaakon mein raashtreeya aapada mochan bal (NDRF) ke javaanon ko tainaat kiya hai. Machhuaaron ko salaah, samudra mein na jaaen Sarkaar ne tateeya kshetron mein machhuaaron ko agale kuchh dinon tak samudra mein naheen jaane ki salaah di hai. Saath hi bandaragaahon ko khatre ke sanket aur soochana jaari karne ko kaha gaya hai. 13 June ko 1 se 1.5 meter tak jvaar uthane ki sambhaavana hai jisse kachh, devabhoomi dvaaraka, porabandar, joonaagadh, deev, gir somanaath, amareli aur bhaavanagar ke nichle jilon mein paani bhar sakta hai. Orissa ki takaneek samajh raha Gujarat Gujarat ke mukhyamantri vijay roopaani ne mangalvaar ko kaha ki tateeya ilaake mein rah rahe logon ko surakshit sthaanon par bheja jaaega. Report ke anusaar chakravaat 'Vaayu' veraaval tat ke kareeb 650 kimi dakshin mein sthit hai. Roopaani ne Gandhinagar mein kaha ki kachh se lekar dakshin Gujarat mein faili samoochi tatarekha ko haai alert par rakha gaya hai. Unhonne kaha ki chakravaat 'Foni' ke dauraan Orissa mein apnaai gayi aapada prabandhan takaneek ko seekhane aur use laagoo karne ke liye Gujarat ke adhikaari Orissa sarkaar ke saath sampark mein hain. Unhonne bataaya, 'Humne sabhi sambandhit karmachaariyon ki chhuttiyaan radd kar di hain aur unhein duty par aane ka nirdesh diya gaya hai. ' unhonne kaha, '13 aur 14 June hamaare liye bahut aham hain. Humne sena, enadeeaaraef, tatarakshak aur anya agencyon se raahat evam bachaav kaarya ke liye madad maangi hai. Maanaveeya kshati kam se kam ho iske liye ham Budhvaar se tateeya ilaakon mein rahane vaale logon ko surakshit jagahon par bhejeinge. ' Gujarat bandargaah evam yaataayaat vibhaag ki pradhaan sachiv sunaina tomar ne bataaya ki raajya ke sabhi bandaragaahon par aapada prabandhan yojana laagoo ki gayi hai. Gruh mantri ne taiyaariyon ka liya jaayaja Udhar, keindreeya gruh mantri amit shaah ne mangalvaar ko chakravaati toofaan ki vajah se utpann hone waali paristhitiyon se nipatne ke liye raajya aur keindreeya mantraalayon aur agencyon ki taiyaariyon ka jaayaja liya. Ek uchchastareeya baithak mein sthiti ki sameeksha karne ke baad shaah ne varishth adhikaariyon ko logon ko surakshit baahar nikaalne aur sabhi jaroori saamagriyon ke rakharakhaav jaise bijli, teleekamyunikeshan, svaasthya, peene ka paani samet anya cheejon ko sunishchit karne ke liye kaha hai. Iske saath hi toofaan se kshati hone ki sthiti mein in cheejon ko jald se jald bahaal karne ke aadesh diye. Aadhikaarik bayaan ke anusaar, unhonne niyantran kakshon ke 24 ghante alert rahane ke bhi nirdesh diye. Bayaan ke anusaar, 'Enadeeaaraef ne naukaaon, tri-katars, telikaum saamagriyon ke saath apni 26 teemon ko tainaat kiya hai aur Gujarat sarkaar ke aagrah ke aadhaar par anya 10 teemon ko taiyaar kar rahi hai. Bhaarateeya tat rakshak, nausena, thalasena aur vaayusena ko taiyaar rakha gaya hai aur nireekshak vimaan aur helikauptar havaai sarvekshan kar rahe hain. '

Orissa Ke Baad Ab Gujarat Par Khatra, 13 June Ko Takara Sakta Hai Chakravaati Toofaan 'Vaayu https://www.angrejinews.com/pic/280594