Oreinj Kaip Ke Liye Gale Aur Hasi Ke Beech Jaari Hai Rochak Jang

Cricket »

Oreinj Kaip Ke Liye Gale Aur Hasi Ke Beech Jaari Hai Rochak Jang

nai Delhi. . Pichhle do IPL mein sarvaadhik run banaakar oreinj kaip haasil karne vaale kris Gale is baar bhi yah puraskaar paane ki daud mein sabse aage hain lekin is chhathe satr mein unhein Michael hasi ki kadi chunauti ka saamana karna pad sakta hai. Raayal Challengers Bengaluru ki taraf se khelne vaale Gale ne 2011 mein 608 run aur 2012 mein rekaurd 733 run banaakar oreinj kaip haasil ki thi. Ab jab 2013 ke satr mein league charan ke aadhe se adhik match samaapt ho gaye hain tab Gale 10 maichon mein 484 run banaakar sheersh par hai. Unke in ranon mein Pune Warriors ke khilaaf kheli gayi naabaad 175 run ki rekaurd paari bhi shaamil hai. Abhi oreinj kaip Gale ke paas hai lekin unhein chennai super kings ke Michael hasi ki kadi chunauti ka saamana karna pad raha hai. Hasi ne ab tak keval aath match khele hain jismein unhonne chaar ardhashatakon ki madad se 445 run banaaye hain. Hasi chennai ki taraf se shurooaati maichon mein naheen khel paaye the lekin iske baad unhonne match vijeta paariyaan kheli hain. Aaraseebi ke kaptaan viraat Kohli 366 run banaakar teesare sthaan par hain lekin Mumbai Indians ki kaptaani sambhaalne ke baad rohit sharma ne jis tarah ki shaanadaar firm dikhaayi hai usase oreinj kaip ke liye unka daava bhi majaboot ban gaya hai. Rohit abhi tak chaar ardhashatak jama chuke hain aur unke naam par 353 run darj hain. Unheen ki team ke wicket-keeper ballebaaj dinesh kaatirk ne shuroo mein ballebaaji mein jalwe dikhaaye lekin pichhle kuchh maichon se vah kuchh dheele pad gaye hain. Rajasthan raayals ke Australiaee all-rounder Shane Watson ka form mein lautana Gale, hasi, rohit ke liye kadi chetaavani ho sakti hai. Watson ne 101, naabaad 98 aur 41 run banaaye hain. Saat maichon mein unke naam par 314 run darj hain lekin yadi unki yahi firm aage bhi bani rahati hai to fir vah jald hi oreinj kaip ke prabal daavedaaron mein shaamil ho jaaenge. Yadi sarvaadhik wicket lene vaale geindabaaj yaani parpal kaip ke daavedaaron ki baat karein to iske liye is baar mukaabala kaafi kada lag raha hai. Abhi yah Rajasthan Royals ke James faukanar ke paas hai jinhonne saat maichon mein 16 wicket liye hain. Faukanar is satr mein ek match mein paanch wicket lene vaale akele geindabaaj hain. Unhonne sunrisers Hyderabad ke khilaaf 20 run dekar paanch wicket liye the. Pichhli baar 24 wicket lekar doosare sthaan par rahe Kolkata Knightriders ke rahasyamayi geindabaaj suneel Narayan, chennai Superkings ke dven Bravo, raayal Challengers Bengaluru ke aar. Vinyakumaar teenon 15-15 wicket lekar sanyukt doosare sthaan par hain. Sunrisers ke leg spinner amit mishra bhi 14 wicket lekar jyaada peechhe naheen hain. Hairaan karne vaala aankada yah hai ki 2011 mein sarvaadhik 28 wicket lene vaale Mumbai Indians ke lasith malinga ne is baar saat match mein keval chhah wicket liye hain. Yahi haal 2012 mein parpal kaip haasil karne vaale Delhi Daredevils ke morne Morkel ka hai jinhonne paanch maichon mein paanch wicket haasil kiye hain.

Oreinj Kaip Ke Liye Gale Aur Hasi Ke Beech Jaari Hai Rochak Jang https://www.angrejinews.com/pic/7220