Ole Aur Baarish Ne Kisaanon Ko Kiya Niraash

India » Tuesday, April 23, 2013

ek samvaadadaata . Jeend ravivaar der raat mausam mein achaanak badlaav se hui baarish aur olaavrushti ne kisaanon ki ummeedon par paani fer diya. Isse kisaanon ki gehoon aur kapaas ki fasal barbaad ho gayi. Olaavrushti itni tej thi ki lagbhag aadha fut tak moti parat jam gayi thi. Kisaanon ne esadeeem aur tahaseeladaar se milkar muaavaje ki guhaar lagaai hai. Gaanv danauda khurd nivaasi risaal Singh ne bataaya ki ravivaar der raat tej hava ke saath jamkar olaavrushti hui. Is kaaran unki gehoon aur kapaas ki fasal barbaad ho gayi. Ole itne jyaada the ki lagbhag aadha fut oonchi inki parat jam gayi. Subah tak ve jame rahe. Unhonne bataaya ki 6 maheene ki mehnat ke baad gehoon ki fasal pak kar taiyaar hui thi. Mausam mein pichhle dinon thandak ke kaaran ab ki baar gehoon ki fasal kataai ke liye let taiyaar hui. Is kaaran gehoon ki fasal ko kaat naheen sake aur achaanak hui barasaat aur olaavrushti ne paki hui fasal ko poori tarah barbaad kar diya. Gaanv danauda ke kisaan somvaar subah haathon mein ole lekar esadeeem office pahunche, lekin vah naheen mile. Iske baad ve tahaseeladaar ke paas gaye, lekin vah bhi mauke par naheen mile. Kisaanon ne muaavaje ki maang ki hai. Patavaari se girdaavari karavaakar uchit kaarravaai karne ka aashvaasan diya gaya hai.