'Oil Price Tay Karne Mein Santulan Jaroori

Business »

'Oil Price Tay Karne Mein Santulan Jaroori

[ iti bureau | nai Delhi ]aam janta ko munaasib daam par svachh aur samuchit oorja aapoorti par jor dete hue PM Narendra Modi ne somvaar ko kaha ki kachche tel ka moolya nirdhaaran jimmedaari ke saath karne ki jaroorat hai taaki ismein utpaadak aur upabhokta donon ke hiton ka santulan bana rahe. Petrolium kshetr ke antararaashtreeya sammelan petrotek-2019 ka udghaatan karte hue Modi ne kaha ki lambe samay se kachche tel ke daam mein bada utaar-chadhaav dekha gaya hai. Aise mein jaroori hai ki tel ke daam jimmedaari ke saath tay hon, jismein utpaadak aur upabhokta donon ke hiton ke beech santulan bana rahe. Bhaarat apni jaroorat ka 80 pratishat tel aayaat karta hai. Pichhle saal aktrabar mein antararaashtreeya bajaar mein kachche tel ke daam badhne se desh mein petrol, diesel ke khudara daam record oonchaai par pahunch gaye the. Praakrutik gas ke daam mein bhi teji aa gayi thi aur is kaaran gas aadhaarit taap bijleegharon mein iska istemaal karna kathin ho gaya tha kyonki mahangi gas ki vajah se bijli bhi mahangi ho jaati hai. Modi ne kaha ki aaj duniya ke deshon ke samaksh apne naagrikon ko sasti, svachh aur bharosemand indhan aapoorti sunishchit karne ki chunauti hai. Arthavyavastha ke teevr vikaas ke liye uchit daam par anvarat oorja aapoorti jaroori hai. Unhonne kaha, 'Isse gareeb aur samaaj ke vanchit tabake ko bhi aarthik laabh mein bhaageedaari nibhaane ka avsar milta hai. ' Modi ne kaha, 'Tel aur gas keval ek vyaapaarik maal bhar naheen hai, ye aavashyakta ban gaye hain. Aam aadmi ki rasoi ho ya fir havaaijahaaj, indhan ki har jagah jaroorat hai. ' pradhaanamantri ne kaha ki aaj bhi duniyaabhar mein ek arab se jyaada aabaadi aisi hai jise bijli upalabdh naheen hai. Kai aise bhi log hain jinki svachh oorja tak pahunch naheen hai. Bhaarat ne is disha mein teji se pahal ki hai. Logon ko svachh oorja ke saath saath bijli bhi upalabdh karaai ja rahi hai. Desh mein indhan, oorja ki maang saalaana paanch pratishat se bhi adhik teji se badh rahi hai.

'Oil Price Tay Karne Mein Santulan Jaroori https://www.angrejinews.com/pic/254218