Odeesha Mein Maaovaadiyon Ne Do Logon Ki Hatya Ki

India »

Odeesha Mein Maaovaadiyon Ne Do Logon Ki Hatya Ki

Malkaanagiri (odeesha). . Odeesha ke malkaanagiri jile mein maaovaadiyon ne police mukhabir hone ke sandeh mein do logon ki hatya kar di aur ek mobile phone tauvar ko jala diya. Malkaanagiri ke SP akhileshvar Singh ne aaj bataaya ki sashastr maaovaadiyon ne haal mein kiyaang kshetr se teen logon ka apaharan kar liya tha. Unhonne unamein se do ki hatya kar di thi tatha ek anya ko chhod diya tha. Unhonne bataaya ki dukaanadaar gopi pujaari aur haateeraam pujaari ke shav Budhvaar subah jungle ko jaane waali ek sadak se baraamad kiye gaye. Unke gale ret diye gaye the aur shareer par goliyon ke nishaan the. Singh ne bataaya ki maaovaadiyon ne ek anya vyakti padmanav pujaari ko mukt kar diya. Gopi ka 19 April ko ek gaanv ke samaaroh sthal se apaharan kar liya gaya tha, jabki do anya ka apaharan 22 April ko kiya gaya tha. SP ne bataaya ki sandeh hai ki in logon ki hatya beeti raat ki gayi jab 50 se adhik maaovaadiyon ne ek niji seva pradaata ke mobile phone tauvar ko aag laga di. Sootron ne bataaya ki hatyaaen sambhavat: Pados ke Chhattisgarh se aae maaovaadiyon ne keen jinhein in logon ke baare mein shak tha ki ve police ke mukhabir hain. Ghatna ke baad Andhra pradesh aur Chhattisgarh se lagti seemaaon ko seal kar diya gaya hai.

Odeesha Mein Maaovaadiyon Ne Do Logon Ki Hatya Ki https://www.angrejinews.com/pic/6724