Obama Ne Kaha, Boston Visfoton Ke Peechhe Kaun, Pata Lagaakar Raheinge

World »

Obama Ne Kaha, Boston Visfoton Ke Peechhe Kaun, Pata Lagaakar Raheinge

Washington. . America ke raashtrapati Barack Obama ne baustan ko dahalaane vaale visfoton par kadi pratikriya dete hue kaha hai ki unka prashaasan doshiyon ka pata lagaakar rahega. Haalaanki raashtrapati ne poore tathya saamane aane tak visfot ke baare mein kisi bhi nishkarsh par pahunchane se bachane ko kaha hai. Obama ne visfot ke kareeb teen ghanton baad jaari ek bayaan mein kaha, ham ab bhi yah naheen jaante ki kisne aur kyon aisa kiya. Jab tak poori sachaai saamane naheen aa jaati, tab tak logon ko kisi bhi prakaar ka nishkarsh naheen nikaalna chaahiye. Ham koi galati naheen kareinge aur maamale ki tah tak jaaenge. Unhonne vaait house se jaari bayaan mein kaha, ham is baat ka pata lagaaenge ki kisne in visfoton ko anjaam diya aur usane aisa kyon kiya. Iske liye jo log ya samooh jimmedaar honge, unhein nyaaya ke kataghare mein laaya jaaega. Raashtrapati ne kaha ki jab unke raashtreeya suraksha dal ne unhein ghatna ki jaankaari di to unhonne tatkaal baustan ke mayor aur maisaachusets ke Governor se baat ki. Vaheen, baustan mein visfoton ke baad America ke sabhi bade shaharon mein suraksha kadi kar di gayi hai. Har saal America ke maisaachusets mein April maheene ke teesare somvaar ko 'Deshbhakti diwas' manaaya jaata hai aur is din chhutti rahati hai. Isi din saalaana mairaathan ka aayojan kiya jaata hai. Is mairaathan mein kareeb 27,000 log bhaag le rahe the. Jab visfot hue tab mairaathan mein bhaag lene vaalon ka hausala badhaane ke liye hajaaron log sadak ke kinaare line mein khade the. Visfot itne tej the ki kai ranar jameen par gir gaye aur aaspaas ki imaaraton ki khidkiyon ke sheeshe toot gaye. Raashtrapati Obama ne kaha ki visfot ki saajish rachane aur use anjaam dene vaalon ki pehchaan abhi ki jaani hai. Unhonne logon ko satark kiya ki jab tak poore tathya saamane na aa jaaen tab tak koi bhi nishkarsh na nikaala jaae. Unhonne kaha 'Koi galati na karte hue ham iski tah tak jaaenge aur pata lagaaenge ki iske peechhe kaun log hain. Yah kyon kiya gaya. Iske liye jo log ya jo bhi samooh jimmedaar honge, unhein nyaaya ke daayare mein laaya jaaega. ' Obama ne yah naheen kaha ki ye visfot aatankvaadi hamle the.

Obama Ne Kaha, Boston Visfoton Ke Peechhe Kaun, Pata Lagaakar Raheinge https://www.angrejinews.com/pic/5743