Obama Ko Jahareela Letar Aaropi Ko 15 Saal Jail Ki Saja Sambhav

World » Friday, April 19, 2013

Washington. . Jaanleva jahar raaisin lage patra bhejane vaale miseesipi ke vyakti par ameriki raashtrapati Barack Obama aur do anya ki jaan khatre mein daalne ka aarop lagaaya gaya hai. Sangheeya adhikaariyon ne guruvaar ko kaha ki 45 saal ke paul kevin kartis ke doshi saabit hone par adhiktam 15 saal jail ki saja, paanch lakh ameriki dollar ka jurmaana aur teen saal ki rihaai mil sakti hai lekin vah is dauraan nigraani mein raheinge. Miseesipi praant ki ek adaalat mein use pesh kiya gaya. Usaki agali sunavaai shukravaar ko hai. FBI ne kaha ki kartis par jaanboojhkar aisa patra, kaagaj ya dastaavej bhejane ka aarop hai jisse America ke raashtrapati ke jeevan ke liye khatra paida karne waali ya shareer ko nuksaan pahunchaane waali saamagri ho. Patra ameriki raashtrapati, senator Roger vaaikar aur miseesipi ke ek nyaaya adhikaari ko bheje gaye. FBI ne use Budhvaar ko uske ghar se giraftaar kiya.