ONGC Ki Shikaayat, RIL Ne Gas Churaai

Business »

ONGC Ki Shikaayat, RIL Ne Gas Churaai

Nai Delhi Oil aind naicharal gas kaurporeshan (ONGC) ne Reliance industries par apne hisse ki gas nikaalne ka aarop lagaaya hai. ONGC ne Delhi haai court mein yaachika daakhil kar kaha ki mukesh Ambani ka samooh Krishna godaavari besin mein uske gas blauk se gas ka dohan kar raha hai. Haai court ne is yaachika par kendra aur Reliance industries se javaab maanga hai. Justice Manmohan ne ONGC ki yaachika par petrolium evam praakrutik gas mantraalaya, hydrocarbon mahaanideshaalaya aur Reliance industries ko notice jaari kiya hai. ONGC ka daava hai ki Reliance industries 2009 se ab tak uske blauk se 18 arab ghanameetar gas nikaal chuka hai. Aarop hai ki Reliance ne ONGC se sate apne blauk se yeh gas nikaali hai. Adaalat ne is maamale ki agali sunavaai ki taareekh 29 May tay ki hai.

ONGC Ki Shikaayat, RIL Ne Gas Churaai https://www.angrejinews.com/pic/50673