November Mein Honge Loksabha Chunaav Mulaayam

Breaking »

November Mein Honge Loksabha Chunaav Mulaayam

Nai Delhi. . DMK ke samarthan vaapasi ke baad UPA sarkaar ko kabhi giraane to kabhi bachaane ki baat kehne vaale samaajavaadi party ke mukhiya mulaayam Singh Yadav ne ek aham bayaan day daala hai. Unhonne kaha hai ki 2014 mein hone vaale aam chunaav tay samay se pehle honge. Mulaayam ne daava kiya ki jahaan tak meri jaankaari hai Loksabha chunaav November mein honge. Mulaayam ne apne kaaryakartaaon se kaha ki kendra mein teesare morche ki sarkaar hi banegi aur aise mauke baar-baar naheen aate hain. Unhonne kaaryakartaaon se voting parseintej badhaane ke liye prayaas karne ka aahvaan kiya. Unhonne kaha ki jin pratyaashiyon ke naamon ki ghoshana ki ja chuki hai ve apne Loksabha kshetron mein kaam mein jut jaaen. Congress dvaara neeteesh ko pataane ki koshishon ke beech mulaayam ne kaha ki Bihar ke vikaas ko badha-chadhaakar pesh kiya gaya hai. Vahaan vikaas ke naam par sirf sadak ke gaddhon ko bhara gaya hai. Bihar ko special package dene ke mudde par mulaayam ne kaha ki aap Bihar ko special fund dene ki baat kar rahe hain to UP ko kyon naheen? Isi ke saath unhonne kaha ki Congress ek dhokhebaaj party hai. Mulaayam ne kaha ki agala chunaav bahut mahatvapoorn saabit hoga. Delhi ki sarkaar hi sab kuchh hai. Unhonne kaha ki agar ham Loksabha chunaav mein jeet haasil karte hain to apni jarooratein kendra se poora karva sakte hain. Kendra ki sarkaar mein hamaara aham rol hoga. Agali sarkaar na to BJP ki banegi aur na hi Congress ki. Mulaayam ne kaha ki Eid aur holi par pradesh mein aman chain raha. Unhonne UP mein apne bete Akhilesh ki sarkaar ka kaamkaaj saraahaneeya bataate hue kaaryakartaaon se kaha ki ve logon ke beech jaakar sarkaar ke janahit ke kaaryakramon ke baare mein bataaen aur vipaksh ke jhoothe aaropon ka kada javaab dein. Mulaayam ke in bayaanon ke beech vaamapanthi paartiyon ne bhi teesare morche ki vakaalat ki hai. Unhonne gair Congress aur gair BJP paartiyon ko ekajut karke teesare morche ko banaane ki baat kahi hai. CPI neta di. Raaja ne kaha hai ki agar mulaayam ko lagta hai ki Congress dhokhebaaj party hai to unhein Congress se samarthan vaapas lekar teesare morche ke liye kaam karna chaahiye. Mulaayam ke bayaan par Congressi neta vi. Naaraayanasaami ne kaha ki sarkaar apna kaaryakaal poora karegi aur aam chunaav tay samay par hi honge. Haalaanki, ek senior Congressi neta ne kaha ki ham mulaayam ke bayaan ko halke mein naheen le rahe hain. Unhonne kaha ki party aalaakamaan ne sabhi mantriyon ko kaha hai ki sabhi mahatvapoorn yojanaaon ka kaaryaanvayan maunasoon satr ke pehle ho jaana chaahiye.

November Mein Honge Loksabha Chunaav Mulaayam https://www.angrejinews.com/pic/3778