Novaartis Ke Haarne Par Boleen Companiyaan, Gareebon Ka Bhala Hoga

Business »

Novaartis Ke Haarne Par Boleen Companiyaan, Gareebon Ka Bhala Hoga

Nai Delhi. . Ghareloo dava companiyon ne kaha hai ki Switzerland ki novaartis company ke peteint sambandhi daave par Supreme court ke aaj ke faisale se gareeb mareejon ko faayda hoga. Supreme court ne Cancer ki dava glaaivek par peteint adhikaar ke liye novaartis ki yaachika ko khaarij kar diya hai. Court ne ghareloo companiyon ko is dava ke jinerik (saamaanya) varjan ko banaane se rokane ki novaartis ki appeal ko bhi khaarij kar diya hai. Ghareloo companiyon ke ulat novaartis ne kaha hai, 'Yah faisala mareejon ke liye jhatka hai, kyonki isse medical sector mein un beemaariyon ke ilaaj mein progres naheen hogi, jahaan ilaaj ke kaaragar vikalp maujood naheen hain. ' ghareloo dava companiyon ke sangathanon Indian faarmaasyutikl alaayans (aaipeee) aur Indian drag mainyufaikcharars asosiyeshan (aaideeemae) ne ise gareeb mareejon ke paksh mein aitihaasik faisala karaar diya hai. Aaipeee ke mahaasachiv deeji shaah ne bayaan mein kaha, 'Supreme court ka yah faisala is gambhir beemaari se peedit mareejon ke liye raahat lekar aaya hai. Cipla, renabaiksi aur naatako jaisi companiyaan imaatinib ki maarketing novaartis ke praudakt ki tulana mein behad kam daam par kar sakeingi. ' glaaivek jaroori davaaon ki naishanal list mein shaamil hai. Yah blood Cancer aur pet ke Cancer jaisi kai beemaariyon ke ilaaj ki mahatvapoorn dava hai. Shaah ne kaha ki yah aitihaasik faisala hai, jisse peteint kaanoon ki dhaara 3 (di) ke daayare ko lekar jaari vivaadon par viraam lagega. Isi tarah ki rai jaahir karte hue aaideeemae ke mahaasachiv daaraabi Patel ne kaha ki yah aadesh gareeb mareejon ke paksh mein hai. Patel ne kaha, 'Yah achha faisala hai. Yah desh ke gareeb mareejon ke paksh mein hai aur yah jinerik davaaon ke paksh mein hai. Haalaanki, mujhe novaartis ke liye dukh hai, par achhi baat yah hai ki desh ke niyamon ka paalan huaa aur isse gareeb mareejon ko madad milegi. ' Cipla ke Chairman vaaike haamid ne kaha ki yah faisala Bhaarat aur duniya bhar ke mareejon ki jeet hai. Unhonne kaha, 'Ham is faisale se khush hain. Yah gair gambhir peteint ke jariye hamaare mareejon ki dava tak pahunch ko khatm karne ki koshish thi. ' vaheen doosari or novaartis India ke vaais Chairman aur emadi Ranjit shaahaani ne kaha ki yah mareejon ke liye jhatka hai. Bataaya jaata hai ki novaartis ki glaaivek ki ek maheene ki khuraak ka daam jahaan 1.2 lakh rupae baithata hai, vaheen bhaarateeya companiyon dvaara banaae gaye iske jenerik varjan ki keemat keval 8,000 rupae hai.

Novaartis Ke Haarne Par Boleen Companiyaan, Gareebon Ka Bhala Hoga https://www.angrejinews.com/pic/4079