Niyotel Mein Apna Hissa Vodaafon Ko Bechegi Tata

Business »

Niyotel Mein Apna Hissa Vodaafon Ko Bechegi Tata

Nai Delhi tata kamyunikeshans limited ne south afreeki teleekamyunikeshans unit niyotel peeteevaai mein apna stek bechne ki deal final kar li hai. Vah company mein apni hissedaari vodaafon group peeelasi ko kareeb 68 karod dollar yaani 3,978 karod rupaye mein bech rahi hai. Yeh deal nakad mein hogi. Yeh deal tata group ke telikaum sector se poori tarah baahar nikalne ka sanket ho sakti hai. Vah kai telecom yoonits mein apna stek vodaafon ko bech sakti hai. Yeh jaankaari tata group ki is soch se vaakif kai sootron ne di hai. Inmein tata group ki ghaate mein chal raheen telikaum companiyaan tata teleservices limited aur tata teleservices Maharashtra limited shaamil hain. In donon mein se tata teleservices Maharashtra share baajaar mein listed hai. Tata group andarasi kebal company tata kamyunikeshan mein bhi hissedaari bech sakta hai. Tata group ki telikaum companiyon par kaafi karj hai. Maana ja raha hai ki group inmein apna stek bechne ki taiyaari kar raha hai. Vah iske liye kuchh samay se vodaafon ke sampark mein hai. British farm ke saath keemat ko lekar usaki baat ab tak naheen ban pai hai. Haalaanki, south afreeki unit ke saude se donon ke beech badi deal ki jameen taiyaar ho gayi hai. Tata group ne 2009 aur 2011 mein enateeti dokomo ko tata teleservices mein stek 2.7 arab dollar mein becha tha. Uske baad group ki or se telikaum companiyon ka karj kam karne ki yeh pehli koshish hai. Tata telisrvisej ki or se faainainshal vaade poore naheen kiye jaane ke chalte enateeti dokomo ne tata telisrvisej mein apna stek bechne ka faisala kiya hai. Agar tata group enateeti ke stek ke liye June tak khareedaar naheen dhoondh paata hai to use Japan ki company se stek market price ya kam se kam 7,250 karod rupaye mein khareedna padega. Yeh Japan ki company ki or se jauint veinchar mein lagaai gayi rakam ka aadha hai. Tata kamyunikeshans ne south afreeki deal ki somvaar ko ek press release jaari karke pushti ki. Ismein kaha gaya hai ki vodaafon esae niyotel ke saare share khareedne ke liye taiyaar ho gayi hai. Niyotel ke doosare sheyaraholdars mein neksas kanekshan aur kamyunitel shaamil hain. Tata kamyunikeshans ke mainejing director aur CEO vinod Kumar ne ek bayaan mein kaha hai, 'Yeh hamaare faainainshal gol ke mutaabik hai. Saude se niyotel ko south afreeki market mein behtar service dene mein madad milegi. ' tata kamyunikeshans ke paas niyotel ke 67 parseint share hain. Company ke paas 1,52,000 kastamars aur 1,000 enplauyeej hain. Company afreeki market mein telikmyunikeshan aur Internet service deti hai. Deal ke ailaan ke baad Bombay stock exchange par tata kamyunikeshans ka share 7.4 parseint chadh gaya tha, lekin baad mein 3.7 parseint oopar 304.80 rupaye par band hua.

Niyotel Mein Apna Hissa Vodaafon Ko Bechegi Tata https://www.angrejinews.com/pic/51124