Nivshakon Ko Pehchaanana Chaahiye Deta Aur Story Ka Fark

Business »

Nivshakon Ko Pehchaanana Chaahiye Deta Aur Story Ka Fark

Dheereindr kumaarapichhle kuchh maheenon mein aapne Loksabha chunaav, opiniyn pol aur egjit pol se judi khabarein dhyaan se padhi hongi, lekin niveshakon ko shaayad iska ehsaas naheen hua hoga ki chunaav ke media coverage mein unke liye ek mahatvapoorn sabak chhipa hai. Sabak yeh hai ki patrakaaron ke chunaav ke paaramparik coverage ki tulana mein egjit pol kaheen jyaada sateek hote hain. News aartikl, vaichaarik lekh aur TV news coverage se voteron ke man ki baat ka andaaja naheen lag raha tha. Egjit pol ki tulana mein unke anumaan galat saabit hue. Media ko pata naheen tha ki voteron ke man mein kya chal raha hai aur ve kya kar rahe hain. Chunaav ke nateeje aane ke baad is baat ko bhula diya gaya ya satahi daleel dekar us par parda daalne ki koshish hui. 'Saal bhar tak mat khareediye NBFC aur PSU bankon ke share' Haalaanki, niveshakon ko is par dhyaan dena chaahiye. Main ise 'Patrakaarita banaam egjit pol' ka mudda bhi naheen maanata. Usaki vajah yeh hai ki egjit pol bhi ek tarah se patrakaarita hai. Aakhir usamein bhi logon ki rai li jaati hai, unka vishleshan kiya jaata hai aur uske baad kisi nateeje par pahuncha jaata hai. Aakhir mein maas media ke jariye ye nateeje hamaare paas pahunchate hain. Isliye ise patrakaarita kehna galat naheen hoga. Antar sirf skel aur aproch ka hai. Paaramparik patrakaarita mein koi jaakar 10 ya 20 logon se baat karta hai, kuchh nots leta hai, unase baat karke ek samajh banaata hai aur fir vah kisi nateeje par pahunchata hai. Egjit pol mein pehle se taiyaar savaal laakhon logon se poochhe jaate hain. Uske baad unke javaab ka vishleshan kiya jaata hai aur fir kisi nateeje tak pahuncha jaata hai. Donon kaam ek tarah ke hain. Antar yeh hai ki paaramparik patrakaarita mein ham kahaaniyaan sunate hain, jabki egjit pol poori tarah se deta se juda maamala hai. Ho sakta hai ki yeh padhkar aapko lage ki main deta ko story se supeeriyr bata raha hoon, lekin aisa naheen hai. Parsanal faainains ke saare aartikls yahaan padhen Kuchh samay pehle mainne ek dilchasp kitaab padhi, jo isi mudde par likhi gayi thi. Is kitaab ka naam 'Nairetiv aind nanbars- the vailyoo of storeej in bijnas' hai aur iske lekhak ashvat daamodaran hain. Vah new yaurk university ke Stern school of bijnas ke professor hain aur duniya bhar mein niveshakon ke beech kaafi lokapriya hain. Daamodaran ikviti vailyooeshan padhaate hain. Paaramparik taur par ikviti vailyooeshan ko deta se juda hua vishay maana jaata hai. Is kitaab mein daamodaran bataate hain ki sirf aankadon ke aadhaar par koi nateeja nikaalna paryaapt naheen hai. Bina story samajhe investameint ki vailyoo ka pata lagaane ka matlab yeh hai ki aap saarthak nishkarsh tak naheen pahunchate. Share baajaar ke saare aartikls yahaan padhein Iske ulat, kai bijnas hain (inmein jyaadaatar staartaaps ko shaamil kiya ja sakta hai), jahaan nairetiv to kamaal ka hota hai, lekin aankade use sapaurt naheen karte. Daamodaran ne apni kitaab mein tesla aur aipal ki doosari paari ka jikr kiya hai. Aipal ki doosari paari ke saath ek story judi thi, jise baad mein aankadon ka bhi sapaurt mila. Jab ham sirf story ko dekhte hain, tab yeh naheen jaante ki iske peechhe ki sachchaai kya hai. Aap ise Loksabha chunaav ke udaaharan se bhi samajh sakte hain, jiska jikr mainne oopar kiya hai. Vaheen, jab aap sirf aankadon ko dekhte hain to kai baar unki praasangikta samajh mein naheen aati. Aapko yeh pata naheen chalta ki koi cheej kyon ho rahi hai ya naheen ho rahi hai. Ab jara kalpana kariye ki chunaav ki coverage sirf egjit pol aur ekyooret opiniyn pol ke jariye hoti, tab aapko yeh baat naheen samajh aati ki jo ho raha hai, vah kyon ho raha hai. Niveshakon ko kahaaniyaan pasand aati hain. Insaan ko kahaaniyaan pasand hain aur use nairetiv appeal karti hai. Doosari taraf, aankade samajhna bachchon ka khel naheen hai. Haalaanki, agar aap donon ko saath naheen dekhte to nivesh ke maukon ko samajhne mein mushkil hogi. (lekhak vailyoo research ke CEO hain)

Nivshakon Ko Pehchaanana Chaahiye Deta Aur Story Ka Fark https://www.angrejinews.com/pic/281693