Nikolas Maaduro Ko Mili Venezuela Ki Kamaan, Jeete Chunaav

World »

Nikolas Maaduro Ko Mili Venezuela Ki Kamaan, Jeete Chunaav

karaakas. . Venezuela mein sampann raashtrapati chunaavon mein nikolas maaduro ne vipakshi neta henarik kaipriles ko 300,000 voton ke antar se haraaya diya. Maaduro ko hyoogo shaavej ne apna uttaraadhikaari chuna tha. Nirvaachan adhikaariyon ne maaduro ki jeet ki ghoshana ki. Chunaav prachaar mein maaduro ne shaavej ki samaajavaadi kraanti ko aage le jaane ka vaada kiya tha. Doosari or prachaar ke dauraan kaipriles ka mukhya sandesh yah tha ki shaavej ke 14 saal ke shaasan ne Venezuela ko barbaadi ki raah par la diya hai. Shaavej ke nidhan ke baad kaaryakaari raashtrapati ki jimmedaari sanbhaal rahe maaduro ko keval do hafte pehle tak raayashumaariyon mein do ankon ki badhat mili thi. Lekin nirvaachan adhikaariyon ne bataaya ki unhein kul maton mein se 50.7 feesadi vote hi mile jabki kaipriles 49.1 feesadi mat haasil karne mein safal rahe. Maaduro ke samarthakon ne unki jeet ka shaanadaar jashn manaaya. Jaise hi nirvaachan parishad ne chunaav ke nateejon ka ailaan kiya, kaipriles samarthakon mein gahari niraasha chha gayi. Apni haar par kaipriles ne kuchh naheen kaha lekin maaduro ne jeet ke baad raashtrapati aavaas se janta ko sambodhit kiya. Unhonne apni jeet ko khud shaavej ki lagaataar jeet ka saboot bataaya.

Nikolas Maaduro Ko Mili Venezuela Ki Kamaan, Jeete Chunaav https://www.angrejinews.com/pic/5611