Nigeria Mein Boko Haram Ke Hamle Mein 55 Logon Ki Maut

World »

Nigeria Mein Boko Haram Ke Hamle Mein 55 Logon Ki Maut

Abooja. . Nigeria ke uttari praant borno mein kattarpanthi islaami sangathan boko haram dvaara sena ke ek shivir, ek police thaane aur ek jail par kiye gaye hamlon mein kam se kam 55 logon ki maut ho gayi. Marne vaalon mein boko haram ke 13 aatankvaadi bhi shaamil hain. Sainya pravakta lieutenant Colonel sageer moosa ne bataaya ki pik-ap truckon mein savaar hokar aae aatankvaadiyon ne kal borno ke baama shahar mein hamle kiye. Hathiyaarband aatankvaadiyon ne 22 policekarmiyon, 14 jail surakshaakarmiyon, do sainikon aur chaar naagrikon ko maut ke ghaat utaar diya. Unhonne kaha ki baama mein jab bairakon par aatankvaadiyon ne hamla karne ki koshish ki to sainikon ne javaabi kaarravaai karte hue 13 aatankvaadiyon ko maar giraaya. Boko haram Nigeria ka ek bada aatankvaadi samooh hai jo aatmaghaati hamlon, bam visfoton aur goleebaari jaisi ghatnaaon ko anjaam dekar ab tak hajaaron logon ko maar chuka hai. Yah aatanki samooh Nigeria mein islaami raajya ki sthaapana karna chaahata hai. Tel sansaadhanon se prachur 15 karod ki aabaadi vaale is Africa desh mein mukhya roop se islaam aur isaai dharm ke log rahate hain.

Nigeria Mein Boko Haram Ke Hamle Mein 55 Logon Ki Maut https://www.angrejinews.com/pic/8025