Nigeria Mein Bason Ko Nishaana Banaakar Hue Hamle Mein 70 Mare

World »

Nigeria Mein Bason Ko Nishaana Banaakar Hue Hamle Mein 70 Mare

bhaasha . Abuja : Nigeria ke uttari shahar kaano mein hue aatmaghaati hamle mein marne vaalon ki sankhya kam se kam 70 ho gayi hai. Haalaanki aadhikaarik taur par marne vaalon ki taadaad kam karke bataai gayi hai. Hamla paanch passenger bason ko nishaana banaakar kiya gaya tha. Ek sthaaneeya telivijn channel ke mutaabik, shahar ke ibo sangathan ke adhyaksh tobiyaas idika aur pratyakshadarshiyon ne bataaya ki mangalvaar ke hamle mein 70 logon ke maare jaane ki pushti hui hai. Idika ne kaha, paiseinjaron se khachaakhach bhari paanch basein chalne ko taiyaar theen ki usi samay visfotakon se ladi foksavaigan golf car ke jariye takkar maari gayi aur visfot ho gaya. Udhar, police afsar moosa daura ne kaha ki sirf 22 log maare gaye hain aur 65 ghaayal hue hain

Nigeria Mein Bason Ko Nishaana Banaakar Hue Hamle Mein 70 Mare https://www.angrejinews.com/pic/3542