New Zealand Mein Goleebaari Chaar Log Hiraasat Mein, Aaidi Baraamad

World »

New Zealand Mein Goleebaari Chaar Log Hiraasat Mein, Aaidi Baraamad

Kraaistacharch, 15 March (eefapi) New Zealand police ne shukravaar ko yahaan do masjidon mein goleebaari ke sambandh mein chaar logon ko hiraasat mein liya hai aur kai IED baraamad kiye hain. police aayukt Mike bush ne kaha, ''Chaar logon ko hiraasat mein liya gaya hai. Inmein se teen puroosh hain aur ek mahila hai. '' unhonne kaha ki hamlaavaron ke vaahanon se jude sandigdh IED paae gaye hain. Sena ne unhein nishkriya kar diya hai. is beech, police ne shahar ke schoolon se laukadaaun hata diya hai. Schoolon mein kisi ke andar ya baahar jaane par pratibandh lag gaya tha. Laukadaaun hatne ke baad ghabaraae hue abhibhaavak apne bachchon ko lene school pahunche. New Zealand police ne ek bayaan mein kaha, ''Police ab yeh pushti kar sakti hai ki kraaistacharch mein sabhi schoolon par laga laukadaaun hata diya gaya hai. '' is beech police ne goleebaari sambandhi koi bhi video saajha naheen karne ki chetaavani di hai. Daraasal, online maujood ek video mein ek bandookdhaari masjid mein logon par goli chalaate samay video banaate dikh raha hai. police ne tweet kiya, ''Police jaanti hai ki kraaistacharch mein hui ghatna ke sambandh mein ek bahut hi takaleefadeh video online saajha kiya ja raha hai. Ham appeal kareinge ki yeh link saajha naheen kiya jaae. Ham footage hataane ki koshish kar rahe hain. '' eefapi ko 'Youtube' par mili video ki prati mein chhote baalon wala ek vyakti masjid ki or vaahan chalaakar jaate dikh raha hai. Vyakti ki daadhi-moonchh naheen hai. Masjid mein ghusate hi vah goleebaari karta hai. jis Facebook aur twitter account se video post ki gayi thi, unhein nilambit kar diya gaya hai. ghatna se du: Khi ragbi khilaadi soni bill Williams ne ek bhaavuk video saajha karke kaha, ''Abhi yeh samaachaar suna. Main shabdon mein bayaan naheen kar sakta ki main is samay kya mahasoos kar raha hoon. '' unhonne kaha, ''Aaj jinki bhi maut hui hai inshaaallaah, un sabhi ko jannat naseeb ho. '' New Zealand ki pradhaanamantri jaisinda ardarn ne is goleebaari ko ''New Zealand ke sabse kaale dinon mein se ek'' bataaya. masjidon mein dopahar ko jab hamla hua, us samay logon ki bheed vahaan jumme ki namaaj ke liye ekatr thi aur Bangladesh cricket team ke sadasya vahaan pahunch rahe the. sthaaneeya media ne bataaya ki kam se kam nau logon ki maut ho gayi hai. Police hamlaavar ko pakadne ki koshish kar rahi hai jo ab bhi ''Sakriya'' hai. police aayukt Mike bush ne kaha, ''Sthiti lagaataar badal rahi hai aur ham tathyon ki pushti ke liye kaam kar rahe hain. Ham yeh pushti kar sakte hain ki kai logon ki maut hui hai. '' ardarn ne kaha ki vah mrutakon ki sankhya ki pushti karne mein saksham naheen hain. Sthiti abhi poori tarah spasht naheen hai. unhonne samvaadadaataaon se kaha, ''Yeh spasht hai ki yeh New Zealand ke sabse kaale dinon mein se ek hai. '' ardarn ne kaha, ''Yahaan spasht roop se jo hua, vah hinsa ki intehaai buri vaaradaat hai. '' madhya kraaistacharch sthit masjid al noor mein jab hamla hua, tab namaaj padhne ke liye badi sankhya mein log vahaan maujood the. Upanagar linvud sthit ek anya masjid mein hamla hua. masjid mein maujood ek falasteeni vyakti ne bataaya ki usane ek vyakti ke sir mein goli lagti dekhi. usane kaha, ''Mujhe lagaataar teen goliyon ki aavaaj sunaai di aur mushkil se 10 second baad hi fir se aisa hua. Hamlaavar ke paas sambhavat: Svachaalit hathiyaar hoga kyonki koi itni jaldi trigr naheen daba sakta. '' hamle ke samay deen ave majisd mein namaaj padh rahe ek anya pratyakshadarshi ne kaha ki usane baahar apni patni ka shav futapaath par pada dekha. , ''Log bhaag rahe the. Kuchh log khoon se sane the. '' ek anya vyakti ne kaha ki usane bachchon par goliyaan chalti dekheen. ''Mere chaaron or shav the. '' ek pratyakshadarshi ne 'Radio New Zealand' ko bataaya ki usane goleebaari suni aur chaar log jameen par pade the aur ''Har taraf khoon'' tha. apusht khabaron ke anusaar, hamlaavar ne sena ki vardi jaise kapde pahane hue the. mrutakon ki sankhya ko lekar koi aadhikaarik soochana naheen mili hai lekin Bangladesh ki cricket team ke pravakta ne bataaya ki koi khilaadi hataahat naheen hua hai. unhonne eefapi se kaha, ''Ve surakshit hain, lekin ve sadme mein hain. Humne team se hotel mein rahane ko kaha hai. '' unhonne bataaya ki poori team ko bas mein bithaakar masjid laaya gaya tha aur jab goleebaari hui, tab team masjid mein pravesh karne hi waali thi. Eefapi simmi nareshanaresh.

New Zealand Mein Goleebaari Chaar Log Hiraasat Mein, Aaidi Baraamad https://www.angrejinews.com/pic/261363