New Zealand Ke Khilaaf Ghareloo Maahaul Ka Faayda Uthaaegi West Indies

Breaking »

New Zealand Ke Khilaaf Ghareloo Maahaul Ka Faayda Uthaaegi West Indies

Baarabaados: West Indies cricket team New Zealand ke khilaaf agale maheene se shuroo hone waali teen test maichon ki series mein jeetne ke liye ghareloo maahaul ka faayda uthaane ki yojana par kaam kar rahi hai. samaachaar agency seeemasi ke anusaar, do varsh pehle New Zealand ke khilaaf hue do test maichon ki series mein West Indies ne 2-0 se jeet darj ki thi. Haalaanki uske agale hi varsh kivi team palatavaar karne mein kaamayaab rahi thi, aur usane apne ghareloo maidaan par West Indies ko teen test maichon ki series mein 2-0 se maat de di. kairebiyaai team ke mukhya coach otis gibsan ne kaha ki vah is baar team se achhe pradarshan ki apeksha kar rahe hain. unhonne kaha, yeh aasaan naheen hoga lekin ghareloo maidaan par khelna hamesha aapko aatmavishvaas deta hai. Khaaskar jab prashansak aapke saath hon to aapko achha khelne aur jeetne ki prerana milti hai. is series se West Indies ke tej geindabaaj jerom Taylor ki bhi mein vaapasi ho rahi hai. Jerom pichhle chaar varshon se antararaashtreeya cricket se baahar chal rahe the. Iske alaava tej geindabaaj kemar roch bhi ek saal baad vaapasi kar rahe hain. West Indies team ne shukravaar se abhyaas shuroo kar diya hai, jo 4 June tak chalega.

New Zealand Ke Khilaaf Ghareloo Maahaul Ka Faayda Uthaaegi West Indies https://www.angrejinews.com/pic/52009