'New York Times', 'Wall Street Journal Ko Tramp Sambandhi Khabaron Ke Liye Pulitjar Puraskaar

World »

'New York Times', 'Wall Street Journal Ko Tramp Sambandhi Khabaron Ke Liye Pulitjar Puraskaar

New York, 16 April (eefapi) 'New York times' aur 'Wall street journal' ko America ke raashtrapati donaald tramp aur unke parivaar se judi jaankaariyon ko khoj parak ke baad saamane laane ke liye 'Pulitjar puraskaar' se sammaanit kiya gaya hai. 'New York times' ko tramp parivaar ke vitt sambandhi maamalon mein khulaase ke liye puraskaar mila hai, jismein usane tramp parivaar ke khud saamraajya khada karne ke daavon ko khaarij kiya tha aur ek aise vyaapaar saamraajya ka khulaasa kiya jo kar sambandhi gadbadi kar raha hai. 'Pulitjar puraskaar board' ne New York ke Columbia vishvavidyaalaya mein aayojit ek samaaroh mein yeh jaankaari di. vaheen 'Wall street journal' ko tramp ke 2016 ke raashtrapati chunaav prachaar abhiyaan ke dauraan do mahilaaon ko gupt roop se paise ka bhugataan karne ke maamale ka khulaasa karne ke liye puraskaar mila hai. inke alaava 'South florida san-seintinl', 'Pitsabarg post-gazette', 'Associated press', 'Rauyatars' ko bhi alag-alag khabaron ke liye pulitjar puraskaar se sammaanit kiya gaya hai. 'Pulitjar puraskaar' America ka ek pramukh puraskaar hai jo samaachaar patron, patrakaarita, saahitya aadi ke kshetr mein ullekhaneeya kaaryon ke liye diya jaata hai. eefapi nihaarika shobhanaashobhana.

'New York Times', 'Wall Street Journal Ko Tramp Sambandhi Khabaron Ke Liye Pulitjar Puraskaar https://www.angrejinews.com/pic/268237