New Jeelaind Hamle Ke Baad Saham Gaye Vahaan Rah Rahe Bhaarateeya

India »

New Jeelaind Hamle Ke Baad Saham Gaye Vahaan Rah Rahe Bhaarateeya

Nai Delhi Delhi mein paida hue Ashfaq (badla hua naam) okalaind mein apni beevi aur do bachchon ke saath pichhle kuchh saalon se rah rahe hain. Hamesha new jeelaind ko shaantipoorn desh bataane vaale Ashfaq aaj parivaar samet khauf mein hain. Kraaistacharch mein hue narasanhaar ki ghatna ke baare mein sunane ke baad buri tarah se sahame Ashfaq bataate hain ki jume ki namaaj ke liye vah bhi shukravaar ko masjid gaye the. Ghar lautakar kraaistacharch ke masjidon mein hui is goleebaari aur 40 mauton ke baare mein sunakar vah dahal se gaye. Kraaistacharch mein rah rahe apne sabhi doston ko unhonne phone karke unki khairiyt poochhi. Ek shreelankaai dost ab bhi mising hai, jiski khairiyt ki duaa Ashfaq ka poora parivaar kar raha hai. Ashfaq bataate hain ki bhaarateeya samudaaya mein is ghatna ke baad se dar ka maahaul hai, kyonki new jeelaind jaise shaantipoorn desh mein aisi ghatna shaayad hi kabhi hui ho. Unhonne bataaya ki sabhi sarkaari aur private office, school, college aur doosare sansthaanon ke alaava sabhi masjidein suraksha kaaranon se seal kar di gayi hain. Is narasanhaar ke baad Ashfaq ne faisala kiya hai ki kuchh din tak apne bachchon ko vah school naheen bhejeinge. Haalaanki haimiltan mein pichhle 14 saal se rah rahe bijnesamain daara ka kehna hai ki yeh ek aatankvaadi ghatna hai aur kuchh sanakiyon ka kaam hai. Yahaan ke shaant maahaul ko bigaadne ki koshish ki gayi hai, lekin is ghatna ke baad se suraksha vyavastha itni mustaid hai ki unhein filhaal dar naheen lag raha hai. Daara ke mutaabik, bijnesamain hone ke naate vah har tarah ke samudaaya ke logon se milte hain, lekin pichhle 14 saal mein is tarah ki koi ghatna yahaan naheen hui. Yahaan ke log itne madadgaar aur haai maural vaale hain ki agar main sadak par gir jaaoon to das log kuchh hi palon mein madad ko aa jaate hain. Kraaistacharch mein rahane vaale aadil kehte hain ki is dardanaak ghatna ko chhod dein to poora desh aam taur par behad shaantipoorn hai. Yahaan haalaanki muslim samudaaya ke logon ki sankhya bahut naheen hai, lekin fir bhi lokal logon (keeveej) ke beech kabhi unhein bhedabhaav ka saamana naheen karna pada hai. Bhedabhaav to door ki baat, vah to is baat ko poore garv se bataate hain ki unke office mein namaaj ke liye ek alag preyar room banaaya gaya hai, vujoo ke liye bhi jagah banaai gayi hai. Yahi naheen, office ki taraf se bichhaane ke liye dari bhi di jaati hai. Ek bachche aur pati ke saath yahaan rahane waali sabeena ka kehna hai ki bhale hi filhaal ham sab khauf mein hain, lekin new jeelaind ke logon ka ravaiya hamesha se unke samudaaya ke prati kaabile taareef raha hai. Vah bataati hain ki sabhi dharm ke logon ka sammaan karne vaale keeveej ka ravaiya is ghatna ke baad se aur bhi sahaanubhootipoorn ho gaya hai. Ashfaq bhi maanate hain ki niji jindagi mein kisi ko gusse mein ek thappad tak naheen maarane vaale keeveej ki duniya bhar mein shaantipoorn chhavi ko kharaab karne ke liye is tarah ki ghatna ki gayi hai.

New Jeelaind Hamle Ke Baad Saham Gaye Vahaan Rah Rahe Bhaarateeya https://www.angrejinews.com/pic/261402