New Jeelaind Goleebaari 'Bhaarateeya Mool Ke 9 Log Laapata, 2 Ghaayal

Breaking »

New Jeelaind Goleebaari 'Bhaarateeya Mool Ke 9 Log Laapata, 2 Ghaayal

Velingatan/nai Delhi New jeelaind ke kraaistacharch ki do masjidon mein hui goleebaari ke baad bhaarateeya naagarikta vaale ya bhaarateeya mool ke kam se kam nau logon ke laapata hone ki khabarein hain. Goleebaari ki in ghatnaaon mein 49 log maare gaye hain. Apusht khabaron ke mutaabik, is goleebaari mein do bhaarateeyon ke ghaayal hone ki bhi khabar hai. Adhikaariyon ne bataaya ki kisi bhi prakaar ki sahaayata aur jaankaari ke liye new jeelaind mein bhaarateeya uchchaayog ne 24x7 helpline number jaari kiye hain. Ye helpline number 021803899 aur 021850033 hain. Hamle mein ghaayal hue bhaarateeyon ke parivaaravaalon ko new jeelaind ke visa bhi upalabdh karaae ja rahe hain. Aapko bata dein ki New Zealand mein takareeban do lakh bhaarateeya aur bhaarateeya mool ke log rahate hain. Bhaarateeya uchchaayog ke aankadon ke anusaar is desh mein 30 hajaar se adhik bhaarateeya chhaatr hain. Bhaarateeya uchchaayukt sanjeev Kohli ne tweet kiya, 'Kai sootron se mili jaankaari ke anusaar, bhaarateeya naagarikta/bhaarateeya mool ke nau log laapata hain. Aadhikaarik pushti ka abhi bhi intajaar kiya ja raha hai. Maanavata ke khilaaf bhaari aparaadh. Unke parivaaron ke liye hamaari praarthana. ' unhonne kaha, 'Kraaistacharch ke us samudaaya ke sadasyon ke prati meri gahari krutajnyaata, jo aaj ke bhayaavah hamle ke peediton ke baare mein hamaare liye jaankaari jutaane ke liye lagaataar kaam kar rahe hain. Is samarpan aur ekajutata se behtar koi doosra udaaharan naheen ho sakta. ' Padhein: Musalmaanon se badla lena chaahata tha hamlaavar Abhi tak koi aadhikaarik bayaan naheen Haalaanki kisi bhi adhikaari ne is maamale mein aadhikaarik pushti naheen ki hai. New jeelaind mein rahane vaale do bhaarateeya mool ke logon ke rishtedaaron ne kaha ki unhein unke ghaayal hone ki khabar mili hai. Inmein se Ahmad Iqbal jahaangeer Hyderabad ke rahane vaale hain aur vah kraaistacharch mein ek restraunt chalaate hain. Vaheen mahaboob khokhar Ahmedabad ke rahane vaale hain. Jahaangeer ke rishtedaar mohammad Ahmad juber ne bataaya ki unhein is ghatna ki jaankaari new jeelaind mein rahane vaale jahaangeer ke ek dost se mili. Vaheen 65 varsheeya mahaboob Ahmedabad ke juhaapura ke rahane vaale hain. Mahaboob Gujarat vidyut board ke ek retired karmachaari hain aur vah do maheene pehle apni patni ke saath bete se milne new jeelaind gaye the. Unka beta Imran kraaistacharch ke filipstaaun mein rahata hai. Juhaapura mein rahane vaale mahaboob ke rishtedaar haafij ne hamaare sahayogi samaachaar patra times of India se kaha, 'Imran ne bataaya ki unke pita al noor masjid mein hui goleebaari mein ghaayal ho gaye hain. ' sthaaneeya adhikaari mahaboob ko hauspitl le gaye lekin ve parivaaravaalon ko unki haalat ke baare mein kuchh naheen bata rahe hain. Imran 2010 mein uchch shiksha ke liye new jeelaind gaye the aur fir padhaai poori karne ke baad unhonne vaheen kooriyr aur transport service company ka setaap taiyaar kar liya tha. PM Modi ne ki hamle ki ninda Doosari or pradhaanamantri Narendra Modi ne New Zealand ki apni samakaksh jaisinda ardarn ko patra likhkar kraaistacharch mein ibaadat ke sthaan par goleebaari mein nirdosh logon ki maut par gahari samvedna evam dukh prakat kiya. Pradhaanamantri ne jor diya ki vividhtaapoorn evam lokataantrik samaaj mein hinsa ke liye koi sthaan naheen hai. Ek aadhikaarik vaktavya ke anusaar pradhaanamantri Modi ne apne patra mein kraaistacharch hamle mein maare gaye logon ke prati gahari samvedna prakat ki aur ghaayalon ke sheegra svasth hone ki kaamna ki. Modi ne is kathin ghadi mein New Zealand ke mitravat logon ke prati poori ekajutata vyakt ki. Pradhaanamantri ne jor diya ki Bhaarat aatankvaad ke har svaroop aur aise kaaryon ka samarthan dene vaalon ki kadi ninda karta hai. Padhein: Hamlaavar ne Facebook par ki thi hamle ki live streeming Unmaad aur nafarat se bhara chamarapanth naheen hai duniya: Rahul Shukravaar der raat videsh mantri Sushma Swaraj ne tweet kiya, 'Ham kraaistacharch mein dharmasthalon par hue kaayarataapoorn aatankvaadi hamle ki kadi ninda karte hain. Hamaari samvedanaaen priyjanon ko khone vaalon ke saath hain. Hamaari samvedanaaen aur praarthanaaen peedit parivaaron ke saath hain. ' Congress adhyaksh Rahul Gandhi ne bhi is hamle ki ninda ki hai. Rahul ne ek tweet mein kaha, 'Duniya karuna aur ek-doosare ko samajhne ki jaroorat ke saath ek hai. Koi unmaad aur nafarat se bhara charamapanth naheen. Peediton ke parijanon ke prati meri samvedanaaen. Ghatna mein ghaayal logon ke sheegra svasth hone ki kaamna karta hoon. ' Congress ke varishth neta Ahmad Patel ne bhi hamle ki ninda karte hue tweet kar kaha, 'New Zealand mein jo hua hai vah maanavata ke khilaaf aparaadh hai. Yeh iska dyotak hai ki ghruna se har star par nipta jaana chaahiye. ' unhonne kaha ki vah peedit parivaaron ke prati samvedna prakat karte hain. Hamle mein gayi 49 logon ki jaan Gaurtalab hai ki new jeelaind ke kraaistacharch shahar ki 2 masjidon mein andhaadhundh firing kar narasanhaar karne vaale darindon mein se mukhya hamlaavar ki pehchaan 28 varsheeya breintan tairant ke roop mein hui hai. Is hamle mein kam se kam 49 logon ki maut hui hai. Mukhya hamlaavar ne hamle ki Facebook par laaivastreeming ki thi. Vidiyo ki shuruaat mein vah 'Chalo, party shuroo karte hain' kehte hue sunaai de raha hai. Use milaakar kul 4 logon ko giraftaar kiya gaya hai, jismein 1 mahila bhi shaamil hai. Itna hi naheen, tairant ne guruvaar raat ko hi Facebook par post ke jariye apni mansha jaahir kar di thi aur likha tha ki vah 'Aakramanakaariyon' par hamla karega aur use Facebook par live dikhaaega.

New Jeelaind Goleebaari 'Bhaarateeya Mool Ke 9 Log Laapata, 2 Ghaayal https://www.angrejinews.com/pic/261508