Neval Vaur Room Leek Kes Shankaran Ki Pratyarpan Virodhi Yaachika Khaarij

World »

Neval Vaur Room Leek Kes Shankaran Ki Pratyarpan Virodhi Yaachika Khaarij

London. . Neval vaur room leek maamale ke aaropi ravi shankaran ko Bhaarat mein kiye jaane vaale pratyarpan ke khilaaf ki gayi appeal ke maamale mein Budhvaar ko haar mili. Vah poorv navy cheef Admiral arun prakaash ke rishtedaar hain. London ke vestaminstar maijistret ki adaalat mein distrikt judge nikolas ivaans ne apne faisale mein kaha ki aaropi ke khilaaf 'Javaabadehi ka maamala' banta hai. Unke faisale ko ab Britain ke gruh sachiv theresa me ko bheja jaaega jo shankaran ke Bhaarat pratyarpan par faisala kareinge. Shankaran ke bachaav paksh ne kaha ki faisale ke khilaaf vah appeal kareinge jis par judge ivaans ne spasht kiya ki ab keval videsh mantri ke nirnaya par hi appeal ki ja sakti hai. Navy ke retired commander shankaran (46) vaur room se gupt soochanaaon ko hathiyaar dealer ko leek karne ke maamale mein mukhya aaropi hain. Keindreeya jaanch bureau (CBI) ne March 2006 mein maamala darj kiye jaane ke baad se hi vah faraar hain. CBI ne usi varsh May mein unka passport radd kar diya tha aur July 2006 mein aarop patra daayar karne ke baad unke khilaaf red corner notice jaari kiya tha. Shankaran ke London mein hone ke khabar milne ke baad Britain ko pratyarpan ke liye aagrah bheja gaya tha aur Britain ke adhikaariyon ne unhein April 2010 mein giraftaar kar liya tha. Nai Delhi ke cheef metropolitan maijistret ki adaalat dvaara gair jamaanati vaurant jaari karne ke aadhaar par unhein giraftaar kiya gaya tha.

Neval Vaur Room Leek Kes Shankaran Ki Pratyarpan Virodhi Yaachika Khaarij https://www.angrejinews.com/pic/3639